ന്യൂഡൽഹി: കർണാടകയിലെ സിദ്ധരാമയ്യ സർക്കാരിൽ മന്ത്രിസഭാ പുനഃസംഘടന ആവശ്യപ്പെട്ട് മുതിർന്ന 30 കോൺഗ്രസ് എംഎൽഎമാർ ഹൈക്കമാൻഡിനെ കാണാൻ ഡൽഹിയിലെത്തി. നിലവിലെ മന്ത്രിസഭയിൽ വലിയ തോതിലുള്ള അഴിച്ചുപണി വേണമെന്നും പുതിയ മുഖങ്ങൾക്ക് അവസരം നൽകണമെന്നുമാണ് ഇവരുടെ പ്രധാന ആവശ്യം.അശോക് പത്തൻ, എസ്.എൻ. നാരായണസ്വാമി, കെ. ശദാക്ഷരി, എ.ആർ. കൃഷ്ണമൂർത്തി, പുട്ടരംഗ ഷെട്ടി, ബേലൂർ ഗോപാൽ കൃഷ്ണ തുടങ്ങിയവരുടെ നേതൃത്വത്തിലുള്ള സംഘമാണ് കേന്ദ്ര നേതൃത്വത്തെ കാണാനെത്തിയത്. ഭരണത്തിൽ കൂടുതൽ ഊർജ്ജസ്വലത കൊണ്ടുവരുന്നതിനും കൂട്ട ഉത്തരവാദിത്തം ഉറപ്പാക്കുന്നതിനുമാണ് ഈ നീക്കമെന്ന് എംഎൽഎമാർ വ്യക്തമാക്കി.സംഘടനാപരമായ വിഷയങ്ങളും മന്ത്രിസഭാ പുനഃസംഘടനയും സംബന്ധിച്ച് വരും ദിവസങ്ങളിൽ ഇവർ കോൺഗ്രസ് ഹൈക്കമാൻഡുമായി ചർച്ചകൾ നടത്തും. എംഎൽഎമാരുടെ ഈ നീക്കം കർണാടക കോൺഗ്രസിനുള്ളിൽ പുതിയ രാഷ്ട്രീയ ചർച്ചകൾക്ക് വഴിതുറന്നിരിക്കുകയാണ്.
കർണാടകയിൽ മന്ത്രിസഭാ പുനഃസംഘടന ആവശ്യപ്പെട്ട് 30 കോൺഗ്രസ് എംഎൽഎമാർ ഡൽഹിയിൽ
