സിഡ്‌നി: സെപ്റ്റംബർ 15-നു നടക്കുന്ന സിഡ്‌മൽ ഓണാഘോഷ പരിപാടികളിൽ NSW ഡെപ്യൂട്ടി പ്രീമിയർ പ്രു കാർ M.P, കരിഷ്മ കല്യാണ്ട M.P, ഹ്യു മാക്ഡെർമോട് M.P, കൗൺസിലർ സമീർ പാണ്ഡെ, കൗൺസിലർ സൂസൈ ബെഞ്ചമിൻ എന്നിവർ മുഖ്യ അതിഥികളായി പങ്കെടുക്കും.
ഓണാഘോഷത്തിനോടൊപ്പം stem cell swab ശേഖരണവും നടക്കും. 11:00 മണിയോടെ ആരംഭിക്കുന്ന ഓണസദ്യ ഉച്ചയ്ക്ക് 1:30 മണി വരെ നീളും. ഈ സമയത്തു നാടൻ കായിക മത്സരങ്ങളും കരാട്ടെ പ്രദർശനവും നടക്കും. കൂടാതെ വിവിധ സ്റ്റാളുകളും ഉണ്ടായിരിക്കും. മലബാർ ഗോൾഡ് ആൻഡ് ഡയമണ്ട്സിന്റെ ഫ്രീ റാഫിൾ ഡ്രോയിൽ പങ്കെടുത്തു സമ്മാനങ്ങൾ നേടാനുള്ള അവസരവും, മികച്ച കേരളീയ വസ്ത്രധാരണത്തിനുള്ള സമ്മാനങ്ങളും ഓണാഘോഷത്തിന്റെ ഭാഗമായി നടക്കും. കലാപരിപാടികൾ ഉച്ചയ്ക്ക് രണ്ടു മണിയോടെ ആരംഭിക്കും.
പരിപാടികളുടെ വിജയകരമായ നടത്തിപ്പിനായി എക്സിക്യൂട്ടീവ് കമ്മറ്റിയുടെ നേതൃത്വത്തിൽ വിപുലമായ വോളന്റീയർ സമൂഹം പ്രവർത്തിക്കുന്നതായി സംഘടകർ അറിയിച്ചു. ടിക്കറ്റുകൾ ഒരാഴ്ച മുൻപുതന്നെ വിറ്റുതീർന്നുവെന്നും അതിനാൽ അന്നേ ദിവസം ആഡിറ്റോറിയത്തിൽ നിന്നും ടിക്കറ്റുകൾ ലഭിക്കുകയില്ലെന്നും സംഘാടകർ അറിയിച്ചു.
