കോഴിക്കോട്: കോഴിക്കോട് സിറ്റി സൈബർ ക്രൈം സ്റ്റേഷന്റെ നേതൃത്വത്തിൽ പോലീസ് ഉദ്യോഗസ്ഥർക്കായി സംഘടിപ്പിച്ച സമഗ്ര സൈബർ കുറ്റാന്വേഷണ പരിശീലന പരിപാടി വിജയകരമായി സമാപിച്ചു. വർദ്ധിച്ചുവരുന്ന സൈബർ കുറ്റകൃത്യങ്ങളെ ഫലപ്രദമായി നേരിടുന്നതിനും ആധുനിക അന്വേഷണ രീതികൾ പരിചയപ്പെടുത്തുന്നതിനുമായാണ് പ്രത്യേക പരിശീലനം സംഘടിപ്പിച്ചത്.
പരിശീലന പരിപാടിയുടെ സമാപന ചടങ്ങ് കോഴിക്കോട് സിറ്റി പോലീസ് കമ്മിഷണർ മെറിൻ ജോസഫ് ഉദ്ഘാടനം ചെയ്തു. സൈബർ മേഖലയിലെ പുതിയ വെല്ലുവിളികളെ നേരിടാൻ പോലീസ് സേനയെ സജ്ജമാക്കുന്നതിൽ ഇത്തരം നൂതന പരിശീലന പരിപാടികൾ വലിയ പങ്കുവഹിക്കുമെന്ന് കമ്മിഷണർ അഭിപ്രായപ്പെട്ടു. സൈബർ ക്രൈം സ്റ്റേഷനിലെ ഉദ്യോഗസ്ഥരും വിവിധ സ്റ്റേഷനുകളിൽ നിന്നുള്ള പ്രതിനിധികളും ചടങ്ങിൽ പങ്കെടുത്തു.
