നരേന്ദ്ര മോദിദേശീയ പുരസ്കാര ജേതാവും പ്രമുഖ മലയാള ചലച്ചിത്ര നടനുമായ സലിംകുമാർ അന്തരിച്ചതിൽ പ്രധാനമന്ത്രി നരേന്ദ്രമോദി അനുശോചനം രേഖപ്പെടുത്തി. സാമൂഹിക മാധ്യമമായ എക്സിലൂടെയാണ് അദ്ദേഹം മലയാളത്തിൽ സന്ദേശം പങ്കുവെച്ചത്.
സലിം കുമാർ തന്റെ അഭിനയജീവിതത്തിൽ വൈവിധ്യമാർന്ന കഥാപാത്രങ്ങളിലൂടെ ഇന്ത്യൻ സിനിമയിൽ സവിശേഷമായ സ്ഥാനം നേടിയ വ്യക്തിയാണെന്ന് പ്രധാനമന്ത്രി അനുസ്മരിച്ചു. അദ്ദേഹത്തിന്റെ മറക്കാനാവാത്ത പ്രകടനങ്ങൾ തലമുറകളോളം ഓർമ്മിക്കപ്പെടുമെന്നും സന്ദേശത്തിൽ ചൂണ്ടിക്കാട്ടി. നടന്റെ കുടുംബാംഗങ്ങളോടും പ്രിയപ്പെട്ടവരോടും തന്റെ അനുശോചനം അറിയിച്ച പ്രധാനമന്ത്രി, ഈ ദുഃഖഘട്ടത്തിൽ അവരുടെ വേദനയിൽ പങ്കുചേരുന്നതായും വ്യക്തമാക്കി.
56-ാം വയസ്സിൽ കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് സലിം കുമാർ അന്തരിച്ചത്. അദ്ദേഹത്തിന്റെ വിയോഗത്തിൽ സിനിമാ-രാഷ്ട്രീയ-സാംസ്കാരിക രംഗങ്ങളിലെ പ്രമുഖർ ഉൾപ്പെടെ രാജ്യത്തിന്റെ വിവിധ ഭാഗങ്ങളിൽ നിന്ന് അനുശോചന പ്രവാഹം തുടരുകയാണ്.
