മിയാമി: ഫിഫ ലോകകപ്പ് 2026-ന്റെ റൗണ്ട് ഓഫ് 32 മത്സരത്തിൽ കേപ് വെർദെയെ 3-2ന് തോൽപ്പിച്ച് നിലവിലെ ലോകചാമ്പ്യൻമാരായ അർജന്റീന പ്രീക്വാർട്ടറിലേക്ക് മുന്നേറി. നിശ്ചിത സമയത്ത് 1-1ന് സമനിലയായ മത്സരം അധികസമയത്താണ് അർജന്റീന സ്വന്തമാക്കിയത്.
29-ാം മിനിറ്റിൽ ലയണൽ മെസിയുടെ ഗോളിലൂടെ അർജന്റീന മുന്നിലെത്തി. ഈ ലോകകപ്പിലെ മെസിയുടെ ഏഴാം ഗോളും ലോകകപ്പ് ഫൈനൽ റൗണ്ടുകളിലെ അദ്ദേഹത്തിന്റെ ആകെ 20-ാം ഗോളുമായിരുന്നു ഇത്. എന്നാൽ 59-ാം മിനിറ്റിൽ ഡിറോയ് ഡുവാർട്ടെ നേടിയ ഗോളിൽ കേപ് വെർദെ സമനില പിടിച്ചതോടെ മത്സരം അധികസമയത്തേക്ക് നീണ്ടു.
അധികസമയത്തിന്റെ രണ്ടാം മിനിറ്റിൽ ലിസാൻഡ്രോ മാർട്ടിനസ് അർജന്റീനയെ വീണ്ടും മുന്നിലെത്തിച്ചെങ്കിലും 103-ാം മിനിറ്റിൽ സിഡ്നി ലോപസ് കബ്രാൽ കേപ് വെർദെയ്ക്കായി വീണ്ടും സമനില ഗോൾ നേടി. ഒടുവിൽ 111-ാം മിനിറ്റിൽ കേപ് വെർദെ താരം ഡൈനിയുടെ സെൽഫ് ഗോളാണ് അർജന്റീനയ്ക്ക് വിജയമൊരുക്കിയത്.
പ്രീക്വാർട്ടർ മത്സരത്തിൽ അർജന്റീന ഈജിപ്തിനെ നേരിടും.
