കാഠ്മണ്ഡു: നേപ്പാൾ–ചൈന അതിർത്തി മേഖലയിൽ ഉണ്ടായ പ്രളയത്തിൽ മരണസംഖ്യ 600 കടന്നു. നേപ്പാളിൽ 626 പേർ മരിച്ചതായും 1,924 പേരെ കാണാനില്ലെന്നും അധികൃതർ അറിയിച്ചു. രക്ഷാപ്രവർത്തനം തുടരുകയാണ്.
ഓഗസ്റ്റ് 26ന് ഹിമാലയൻ മേഖലയിൽ ഉണ്ടായ മഞ്ഞും പാറയും ഉൾപ്പെട്ട വലിയ ഇടിച്ചിലിനെ തുടർന്ന് ഉണ്ടായ വെള്ളപ്പാച്ചിലാണ് വ്യാപക നാശത്തിന് കാരണമായത്. രാസുവ, നുവാകോട്ട് ഉൾപ്പെടെയുള്ള മേഖലകളിലാണ് കനത്ത നാശനഷ്ടമുണ്ടായത്. വീടുകൾക്കും റോഡുകൾക്കും പാലങ്ങൾക്കും വൈദ്യുതി പദ്ധതികൾക്കും ഉൾപ്പെടെ വലിയ നാശമുണ്ടായി.
തുടക്കത്തിൽ പുതിയ വെള്ളപ്പൊക്ക സാധ്യതയെ തുടർന്ന് രക്ഷാപ്രവർത്തനം താൽക്കാലികമായി നിർത്തിവച്ചെങ്കിലും പിന്നീട് പുനരാരംഭിച്ചു. നേപ്പാളിൽ ഇതുവരെ 3,700ലേറെ പേരെ രക്ഷപ്പെടുത്തിയതായി അധികൃതർ അറിയിച്ചു.
കാണാതായവരിൽ വിദേശ പൗരന്മാരും ഉൾപ്പെടുന്നുണ്ട്. ഇന്ത്യ ഉൾപ്പെടെയുള്ള രാജ്യങ്ങൾ നേപ്പാളിന് സഹായം വാഗ്ദാനം ചെയ്തിട്ടുണ്ട്. ദുരന്തബാധിത മേഖലയിൽ രക്ഷാപ്രവർത്തനവും കാണാതായവർക്കായുള്ള തിരച്ചിലും തുടരുകയാണ്.
