കല്ലൂർക്കാട്: സംസ്ഥാന സർക്കാരിന്റെ ലഹരിവിരുദ്ധ ബോധവൽക്കരണ മിഷനുമായി സഹകരിച്ച് കല്ലൂർക്കാട് സെന്റ് അഗസ്റ്റിൻസ് എച്ച്.എസ്.എസ്. എൻ.എസ്.എസ് യൂണിറ്റ് 480-ന്റെ നേതൃത്വത്തിൽ ‘തൂഫാൻ കമാൻഡോസ് വാക്കത്തോൺ’ സംഘടിപ്പിക്കുന്നു. 2026 സെപ്റ്റംബർ 24 വ്യാഴാഴ്ചയാണ് പരിപാടി നടക്കുന്നത്.
‘ലഹരിയില്ലാ നാളുകളിലേക്ക് നമുക്ക് ഒരുമിച്ച് നടക്കാം’ എന്ന സന്ദേശമുയർത്തിയാണ് ബോധവൽക്കരണ നടത്തം സംഘടിപ്പിച്ചിരിക്കുന്നത്. ലഹരിയെ തള്ളിപ്പറഞ്ഞ് ആരോഗ്യകരമായ ജീവിതരീതി തിരഞ്ഞെടുക്കുക, ലഹരിയില്ലാത്ത സമൂഹം കെട്ടിപ്പടുക്കുന്നതിൽ യുവത്വത്തിന്റെ പങ്കാളിത്തം ഉറപ്പാക്കുക എന്നിവയാണ് പരിപാടിയുടെ പ്രധാന ലക്ഷ്യങ്ങൾ. പരിപാടിയിലേക്ക് ഏവർക്കും സ്വാഗതമെന്ന് സംഘാടകർ അറിയിച്ചു.
