തിരുവനന്തപുരം: 72-ാമത് ദേശീയ ചലച്ചിത്ര അവാർഡിൽ മികച്ച പിന്നണി ഗായികയ്ക്കുള്ള പുരസ്കാരം നേടിയ വൈക്കം വിജയലക്ഷ്മിയെ മുഖ്യമന്ത്രി വി.ഡി. സതീശൻ നേരിട്ടെത്തി ആദരിച്ചു. സംഗീതരംഗത്തെ മികച്ച സംഭാവനകളെയും ദേശീയതലത്തിൽ കേരളത്തിന്റെ യശസ്സുയർത്തിയ നേട്ടത്തെയും അഭിനന്ദിച്ചുകൊണ്ട് മുഖ്യമന്ത്രി അവർക്ക് പ്രത്യേക ഉപഹാരം കൈമാറി.
‘അജയന്റെ രണ്ടാം മോഷണം’ (ARM) എന്ന ചിത്രത്തിലെ “അങ്ങ് വാന കോണില്…” എന്ന താരാട്ടുപാട്ടിന്റെ ആലാപനത്തിനാണ് വൈക്കം വിജയലക്ഷ്മിക്ക് മികച്ച പിന്നണി ഗായികയ്ക്കുള്ള ദേശീയ ചലച്ചിത്ര പുരസ്കാരം ലഭിച്ചത്. കാഴ്ചപരിമിതികളെ അതിജീവിച്ച് സംഗീത ലോകത്ത് തന്റേതായ വ്യക്തിമുദ്ര പതിപ്പിച്ച വൈക്കം വിജയലക്ഷ്മിയുടെ കഠിനാധ്വാനവും പ്രതിഭയും നാടിന് എന്നും പ്രചോദനമാണെന്ന് മുഖ്യമന്ത്രി പറഞ്ഞു. കലാ-സാംസ്കാരിക രംഗത്തെ പ്രമുഖരും ചടങ്ങിൽ സന്നിഹിതരായിരുന്നു.
