കുവൈത്ത് സിറ്റി: കുവൈത്തില് നിന്ന് കോഴിക്കോടേക്കും കണ്ണൂരിലേക്കുമുള്ള സര്വീസുകള് പുനരാരംഭിക്കാന് എയര് ഇന്ത്യ എക്സ്പ്രസ്. മാര്ച്ച് 28 മുതല് കോഴിക്കോടേക്ക് ആഴ്ചയില് അഞ്ച് ദിവസവും ഏപ്രില് ഒന്നു മുതല് കണ്ണൂരിലേക്ക് ആഴ്ചയില് രണ്ട് ദിവസവുമാണ് സര്വീസ്. ഈ സര്വീസുകളിലേക്ക് ടിക്കറ്റ് ബുക്കിങ് ആരംഭിച്ചു.
കോഴിക്കോട് നിന്ന് രാവിലെ 9.15ന് പുറപ്പെടുന്ന വിമാനം പ്രാദേശിക സമയം11.55ന് കുവൈത്തില് എത്തും. കുവൈത്തില് നിന്ന് ഉച്ചയ്ക്ക് 12.55ന് പുറപ്പെട്ട് രാത്രി 8.25ന് കരിപ്പൂരില് എത്തും. കണ്ണൂരില് നിന്ന് വൈകിട്ട് 5.40ന് പുറപ്പെടുന്ന വിമാനം കുവൈത്തില് രാത്രി 8.20ന് എത്തും. തിരിച്ച് 9.20ന് കുവൈത്തില് നിന്ന് പുറപ്പെട്ട് പുലര്ച്ചെ 4.50ന് കണ്ണൂരില് ഇറങ്ങും. സര്വീസുകള് പുനരാരംഭിക്കുന്നതോടെ മധ്യവേനല് അവധിക്ക് നാട്ടിലേക്ക് പോകുന്നവര്ക്ക് വലിയ ആശ്വാസമാകും
