ന്യൂയോർക്ക്: ലോകത്തെ ഞെട്ടിച്ച ഭീകരാക്രമണത്തിന് കാൽനൂറ്റാണ്ട് തികയുന്നു. വേൾഡ് ട്രേഡ് സെന്ററിന്റെ രണ്ടു ടവറുകളിലും യുഎസ് പ്രതിരോധ കേന്ദ്രമായ പെന്റഗണിലും 2001 സെപ്റ്റംബർ 11നാണ് ഭീകരാക്രമണം നടന്നത്.
അൽ ഖായിദ ഭീകരർ നാല് യാത്രാവിമാനങ്ങൾ റാഞ്ചിയാണ് ഈ ആക്രമണം നടത്തിയത്. രണ്ട് വിമാനങ്ങൾ ന്യൂയോർക്കിലെ വേൾഡ് ട്രേഡ് സെന്റർ ഇരട്ട ടവറുകളിലേക്കും ഒരെണ്ണം യുഎസ് പ്രതിരോധ ആസ്ഥാനമായ പെന്റഗണിലേക്കും ഇടിച്ചിറക്കി. നാലാമത്തെ വിമാനം പെൻസിൽവേനിയയിലെ പാടത്തു തകർന്നു വീണു.
ആക്രമണത്തിന്റെ വിശദാംശങ്ങൾ:
- 08.46 AM (യുഎസ് സമയം): വേൾഡ് ട്രേഡ് സെന്ററിന്റെ നോർത്ത് ടവറിലേക്ക് അമേരിക്കൻ എയർലൈൻസിന്റെ ബോയിംഗ് വിമാനം (Flight 11) ഇടിച്ചുകയറി (മരണം: 2977, നോർത്ത് ടവർ 417 മീറ്റർ ഉയരം).
- 09.03 AM: വേൾഡ് ട്രേഡ് സെന്ററിന്റെ സൗത്ത് ടവറിലേക്ക് യുണൈറ്റഡ് എയർലൈൻസിന്റെ ബോയിംഗ് വിമാനം (Flight 175) ഇടിച്ചുകയറി രണ്ടാമത്തെ ആക്രമണം നടന്നു.
- 09.37 AM: യുഎസ് പ്രതിരോധ കേന്ദ്രമായ പെന്റഗണിൽ വൻ സ്ഫോടനത്തോടെ അമേരിക്കൻ എയർലൈൻസിന്റെ ബോയിംഗ് വിമാനം (Flight 77) ഇടിച്ചുകയറ്റി മൂന്നാമത്തെ ആക്രമണം നടന്നു.
- 10.03 AM: നാലാമത്തെ വിമാനം (Flight 93) പെൻസിൽവേനിയയിലെ ഷാങ്സ്വില്ലെയിലെ ഒഴിഞ്ഞ പാടത്തു തകർന്നു വീണു.
- 09.59 AM: സൗത്ത് ടവർ നിലംപൊത്തി.
- 10.28 AM: നോർത്ത് ടവർ നിലംപൊത്തി.
ഇരട്ട ടവറുകളിൽ മാത്രം 2753 പേർ മരണപ്പെട്ടു. ഭീകരാക്രമണം മൂലമുണ്ടായ പരുക്കുകളും രോഗങ്ങളും മലിനീകരണ ആരോഗ്യസ്ഥിതിയും മൂലം പിന്നീട് മരണമടഞ്ഞവരുടേതുൾപ്പെടെ ആകെ മരണം 9000-ൽ അധികമാണ്. 2011 മെയ് 2ന് അൽ ഖായിദ തലവൻ ഒസാമ ബിൻ ലാദനെ പാകിസ്താനിലെ അബോട്ടാബാദിൽ നിന്ന് യുഎസ് കമാൻഡോ സംഘം പിടികൂടി വധിച്ചിരുന്നു.
