സിഡ്നി: ഉപയോഗശൂന്യമായ ഗ്ലാസും തുണിമാലിന്യങ്ങളും പുനരുപയോഗിച്ച് എൻജിനീയറിങ് സെറാമിക് ടൈലുകളാക്കി മാറ്റുന്ന നൂതന സാങ്കേതികവിദ്യ വികസിപ്പിച്ചതിന് പ്രൊഫസർ വീണ സഹജ്‌വല്ലയുടെ നേതൃത്വത്തിലുള്ള യു.എൻ.എസ്.ഡബ്ല്യു സ്മാർട്ട് സെന്ററിന് (UNSW SMaRT Centre) അഭിമാനകരമായ ഗോൾഡ് പുരസ്കാരം.
തങ്ങളുടെ നിരന്തര ഗവേഷണ-വികസന പ്രവർത്തനങ്ങൾക്കും സാങ്കേതികവിദ്യ യാഥാർത്ഥ്യമാക്കാൻ സഹായിച്ച ലിവർപൂൾ സിറ്റി കൗൺസിലുമായുള്ള സഹകരണത്തിനും ലഭിച്ച വലിയൊരു അംഗീകാരമാണിതെന്ന് പുരസ്കാര നേട്ടത്തിൽ സന്തോഷം പ്രകടിപ്പിച്ചുകൊണ്ട് പ്രൊഫ. സഹജ്‌വല്ല വ്യക്തമാക്കി. പരിസ്ഥിതി സൗഹൃദമായ ഇത്തരം കണ്ടുപിടിത്തങ്ങൾ മാലിന്യ സംസ്കരണത്തിനും പുനരുപയോഗ സമ്പദ്‌വ്യവസ്ഥയ്ക്കും വലിയ മാതൃകയാണെന്നും വിലയിരുത്തപ്പെടുന്നു.
