കോട്ടയം: പുതുപ്പള്ളി നിയമസഭാ മണ്ഡലത്തിൽ നടന്ന ആവേശകരമായ പോരാട്ടത്തിൽ യു.ഡി.എഫ് സ്ഥാനാർത്ഥി അഡ്വ. ചാണ്ടി ഉമ്മൻ ചരിത്രവിജയം സ്വന്തമാക്കി. തന്റെ പിതാവ് ഉമ്മൻ ചാണ്ടിയുടെ റെക്കോർഡുകളെല്ലാം ഭേദിച്ചു കൊണ്ട് 52,907 വോട്ടുകളുടെ കൂറ്റൻ ഭൂരിപക്ഷത്തിനാണ് ചാണ്ടി ഉമ്മൻ വിജയിച്ചു കയറിയത്. വോട്ടെണ്ണലിന്റെ ഒരു ഘട്ടത്തിൽ പോലും എതിരാളികൾക്ക് വെല്ലുവിളി ഉയർത്താൻ സാധിക്കാത്ത വിധം മണ്ഡലത്തിലുടനീളം ചാണ്ടി ഉമ്മൻ തരംഗം ദൃശ്യമായിരുന്നു.
മണ്ഡലത്തിലെ യു.ഡി.എഫ് കേന്ദ്രങ്ങളിൽ വലിയ തോതിലുള്ള ആഹ്ലാദപ്രകടനങ്ങളാണ് നടക്കുന്നത്. ഉമ്മൻ ചാണ്ടിക്ക് പുതുപ്പള്ളി നൽകിയ വിടവാങ്ങൽ സമ്മാനമാണിതെന്ന് പ്രവർത്തകർ പ്രതികരിച്ചു. എൽ.ഡി.എഫ് സ്ഥാനാർത്ഥി കെ.എം. രാധാകൃഷ്ണൻ ഉൾപ്പെടെയുള്ള മറ്റു സ്ഥാനാർത്ഥികൾ ഏറെ പിന്നിലായി. പുതുപ്പള്ളിയുടെ ചരിത്രത്തിലെ ഏറ്റവും ഉയർന്ന ഭൂരിപക്ഷത്തോടെ നിയമസഭയിലേക്ക് എത്തുന്ന ചാണ്ടി ഉമ്മൻ, യു.ഡി.എഫിന്റെ സംസ്ഥാനത്തെ ഉജ്ജ്വല മുന്നേറ്റത്തിന് കരുത്തുപകരുകയാണ്.
