ശ്രീനഗർ: ഈ വർഷത്തെ വാർഷിക അമർനാഥ് തീർത്ഥാടനം ആരംഭിച്ച് അഞ്ചാം ദിനമായ ഇന്ന് വിശുദ്ധ ഗുഹാക്ഷേത്രത്തിൽ ദർശനം നടത്തിയ തീർത്ഥാടകരുടെ എണ്ണം ഒരു ലക്ഷം പിന്നിട്ട് ചരിത്ര നാഴികക്കല്ലിലേക്ക്. ഇന്ന് ഉച്ചയ്ക്ക് 3 മണി വരെയുള്ള കണക്കുകൾ പ്രകാരം 20,537 തീർത്ഥാടകരാണ് ക്ഷേത്രത്തിൽ ദർശനം പൂർത്തിയാക്കിയത്.
ഇന്നത്തെ കണക്കുകൾ കൂടി ഉൾപ്പെടുത്തിയതോടെ, തീർത്ഥാടനത്തിന്റെ ആദ്യ അഞ്ച് ദിവസങ്ങളിൽ വിശുദ്ധ ഗുഹാക്ഷേത്രത്തിൽ ദർശനം നടത്തിയ ആകെ തീർത്ഥാടകരുടെ എണ്ണം 1,06,316 ആയി ഉയർന്നു. വരും ദിവസങ്ങളിലും ഭക്തരുടെ വലിയ തിരക്ക് ഉണ്ടാകുമെന്നാണ് അധികൃതർ കണക്കുകൂട്ടുന്നത്.
