നാഗോയ: ഏഷ്യൻ പാരാ ഗെയിംസിൽ വനിതകളുടെ ലോങ്ജംപ് ടി47 വിഭാഗത്തിൽ മലയാളി താരം നിമിഷ ചക്കുങ്കൽപ്പറമ്പിൽ സുരേഷിന് വെള്ളി. 5.37 മീറ്റർ ദൂരം ചാടിയാണ് നിമിഷ നേട്ടം സ്വന്തമാക്കിയത്. ശ്രീലങ്കയുടെ ധനഞ്ജന വിക്രമസിംഗെ 5.52 മീറ്റർ ചാടി സ്വർണം നേടി. മത്സരത്തിൽ ഗെയിംസ് റെക്കോർഡും താരം സ്ഥാപിച്ചു. ചൈനയുടെ ചെൻ ജിൻ 5.17 മീറ്റർ ചാടി വെങ്കലം നേടി.
വെള്ളിയാഴ്ച നടന്ന മത്സരത്തിൽ മൂന്നാം ശ്രമത്തിലായിരുന്നു നിമിഷയുടെ മികച്ച പ്രകടനം. സ്വർണജേതാവിനേക്കാൾ 15 സെന്റിമീറ്റർ പിന്നിലായാണ് നിമിഷ ഫിനിഷ് ചെയ്തത്.
നിമിഷയുടെ നേട്ടത്തിൽ പ്രധാനമന്ത്രി നരേന്ദ്ര മോദി അഭിനന്ദനം അറിയിച്ചു. നിമിഷയുടെ കഠിനാധ്വാനവും സമർപ്പണവും ഇന്ത്യൻ പാരാ അത്‌ലറ്റിക്‌സിന് അഭിമാനകരമായ നേട്ടം സമ്മാനിച്ചെന്ന് അദ്ദേഹം പറഞ്ഞു.
ഇതേ ദിവസം പുരുഷന്മാരുടെ 1500 മീറ്റർ ടി46 വിഭാഗത്തിൽ ഇന്ത്യയുടെ പ്രമോദ് ബിജാർണിയയും വെള്ളി നേടി. 4 മിനിറ്റ് 9.65 സെക്കൻഡിലാണ് പ്രമോദ് ഓടിയെത്തിയത്. ശ്രീലങ്കയുടെ പി. വാഹുംപുരാഗെ 4 മിനിറ്റ് 3.25 സെക്കൻഡിൽ സ്വർണം നേടി ഗെയിംസ് റെക്കോർഡ് സ്ഥാപിച്ചു.
