മെൽബൺ: വെറിബി (Werribee) കേന്ദ്രീകരിച്ച് പ്രവർത്തിക്കുന്ന സാമൂഹിക പ്രവർത്തകൻ രാകേഷ് റായ്‌സാദ 2026-ലെ വിക്ടോറിയൻ സംസ്ഥാന തിരഞ്ഞെടുപ്പിൽ ലെജിസ്ലേറ്റീവ് കൗൺസിലിലേക്ക് (ഉപരിസഭ) സ്വതന്ത്രനായി മത്സരിക്കുമെന്ന് പ്രഖ്യാപിച്ചു. വെസ്റ്റേൺ മെട്രോപൊളിറ്റൻ മേഖലയിൽ നിന്നാണ് അദ്ദേഹം ജനവിധി തേടുന്നത്.
കൂടുതൽ ശക്തമായ കമ്മ്യൂണിറ്റി കൂട്ടായ്മകൾ, പരിസ്ഥിതി സുസ്ഥിരത, നീതിയുക്തമായ സാമ്പത്തിക വ്യവസ്ഥ, ഭരണകൂടത്തിന്റെ സുതാര്യതയും ഉത്തരവാദിത്തവും തുടങ്ങിയ വിഷയങ്ങളാണ് തന്റെ പ്രധാന മുൻഗണനകളെന്ന് സ്ഥാനാർത്ഥിത്വം പ്രഖ്യാപിച്ചുകൊണ്ട് അദ്ദേഹം വ്യക്തമാക്കി.
“ജനങ്ങളെ കേൾക്കുക, സേവനം ചെയ്യുക, പ്രായോഗികമായ അനുഭവപരിചയവും സത്യസന്ധതയും സ്വതന്ത്ര ചിന്താഗതിയും പൊതുരംഗത്തേക്ക് കൊണ്ടുവരിക എന്നതാണ് എന്റെ പ്രതിബദ്ധത,” എന്ന് അദ്ദേഹം പറഞ്ഞു.
