കോട്ടയം: മുന്നണി വിപുലീകരണവുമായി ബന്ധപ്പെട്ട് കൊച്ചിയില് നടന്ന യുഡിഎഫ് യോഗത്തില് ചര്ച്ച നടന്നിരുന്നുവെന്നും കേരള കോണ്ഗ്രസ് എം യുഡിഎഫിലേക്ക് വരുന്നതിനെപ്പറ്റി ആരും പറഞ്ഞിരുന്നില്ലെന്നും കേരള കോണ്ഗ്രസ് എക്സിക്യൂട്ടീവ് ചെയര്മാന് മോന്സ് ജോസഫ് എം എല് എ.
മുന്നണി വിപുലീകരണം ചര്ച്ച ചെയ്യുന്നതിനോടു കേരള കോണ്ഗ്രസിന് എതിര്പ്പില്ല.കോണ്ഗ്രസ് നേതാക്കള് പിന്വാതില് ചര്ച്ചകള് നടത്തുന്നില്ല. നല്ല നിര്ദേശങ്ങള് ഉയര്ന്നാല് ചര്ച്ച ചെയ്യാം. ആരെങ്കിലും മുന്നണിയിലേക്കു വരാന് സൂചന നല്കിയാല് ചര്ച്ച നടത്താന് യുഡിഎഫ് തീരുമാനിച്ചിട്ടുണ്ട്.
മുന്നണിയിലേക്ക് പുതിയ പാര്ട്ടികള് വരികയാണെങ്കില് ഞങ്ങളുമായി ചര്ച്ച നടത്തും. നിലവിലെ സാഹചര്യത്തില് അത്തരത്തിലൊരു ചര്ച്ച നടന്നിട്ടില്ലെന്നും അദ്ദേഹം പറഞ്ഞു.
