വിനീത് ശ്രീനിവാസന്‍റെ സംവിധാനത്തില്‍ പ്രണവ് മോഹന്‍ലാല്‍ നായകനായി പുറത്തിറങ്ങിയ ‘ഹൃദയം’ പ്രേക്ഷക ഹൃദയങ്ങള്‍ കീഴടക്കി മുന്നേറുകയാണ്. ചിത്രത്തിന് മികച്ച വരവേല്‍പ്പാണ് തീയറ്ററുകളില്‍ ലഭിക്കുന്നത്. പ്രണയത്തെയും സംഗീതത്തെയും ജീവിതവുമായി ഇഴചേർത്ത് വിനീത് ശ്രീനിവാസൻ ഒരുക്കിയ ഹൃദയത്തിൽ പ്രണവ് മോഹൻലാലിനെ കൂടാതെ, കല്യാണി പ്രിയദർശൻ, ദർശന രാജേന്ദ്രൻ തുടങ്ങിയവരാണ് പ്രധാന വേഷങ്ങളിലെത്തിയത്. പ്രണവ് മോഹൻലാൽ, കല്യാണി പ്രിയദർശൻ, ദർശന രാജേന്ദ്രൻ തുടങ്ങിയവരാണ് പ്രധാന വേഷങ്ങളിലെത്തിയത്. മെറിലാന്‍ഡ് സിനിമാസിന്‍റെ ബാനറില്‍ വിശാഖ് സുബ്രഹ്‍മണ്യമാണ് ‘ഹൃദയം’ നിര്‍മിച്ചിരിക്കുന്നത്. പടം അനൗൺസ് ചെയ്തപ്പോൾ മുതൽ ആരാധകരെല്ലാം വലിയ പ്രതീക്ഷയോടെയാണ് ഈ ചിത്രത്തിനായി കാത്തിരുന്നത്.
ചിത്രത്തിന് ലഭിച്ച മികച്ച പ്രതികരണങ്ങള്‍ക്ക് നന്ദി അറിയിച്ച് വിനീത് ശ്രീനിവാസന്‍ ഫേസ്ബുക്കിൽ പോസ്റ്റ് ഇട്ടിട്ടുണ്ട്. ‘നിങ്ങളുടെ മികച്ച പ്രതികരണങ്ങള്‍ക്ക് നന്ദി. ഒപ്പമുണ്ടായിരുന്ന എല്ലാവരുടെയും, എനിക്കാറിയാത്ത ആളുകളുടെയും പ്രാര്‍ത്ഥനകള്‍ക്കും നന്ദി. എല്ലാവര്‍ക്കും നന്ദി,’ എന്നാണ് വിനീത് ശ്രീനിവാസന്‍ കുറിച്ചത്.
