ബെഞ്ചമിൻ നെതന്യാഹു അമേരിക്കൻ പ്രസിഡന്റ് ഡൊണാൾഡ് ട്രംപ് തന്റെ തീരുമാനങ്ങളെ സ്വാധീനിക്കുന്നുവെന്നോ, താൻ ട്രംപിനെ സ്വാധീനിക്കുന്നുവെന്നോ ഉള്ള ആരോപണങ്ങൾ ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു തള്ളി. ഇരു രാജ്യങ്ങളും പരമാധികാരമുള്ള സ്വതന്ത്ര രാഷ്ട്രങ്ങളാണെന്നും, ഓരോ നേതാവും സ്വന്തം രാജ്യത്തിന്റെ താൽപര്യങ്ങൾക്കനുസരിച്ചാണ് തീരുമാനങ്ങൾ എടുക്കുന്നതെന്നും അദ്ദേഹം വ്യക്തമാക്കി.
അമേരിക്കയിൽ “ട്രംപ് താൻ പറയുന്നതാണ് ചെയ്യുന്നത്” എന്ന ആരോപണവും, ഇസ്രായേലിൽ “താൻ ട്രംപ് പറയുന്നതാണ് ചെയ്യുന്നത്” എന്ന വിമർശനവും ഉയരാറുണ്ടെന്ന് നെതന്യാഹു പറഞ്ഞു. എന്നാൽ ഈ രണ്ട് വാദങ്ങളും ശരിയല്ലെന്നും അദ്ദേഹം കൂട്ടിച്ചേർത്തു.
ഇസ്രായേലിന്റെ സുരക്ഷയും ദേശീയ താൽപര്യങ്ങളുമാണ് തന്റെ മുൻഗണനയെന്ന് നെതന്യാഹു പറഞ്ഞു. ട്രംപുമായി പല വിഷയങ്ങളിലും യോജിപ്പുണ്ടെങ്കിലും എല്ലാ കാര്യങ്ങളിലും ഒരേ നിലപാടല്ലെന്നും, എന്നിരുന്നാലും പരസ്പര രാജ്യാധികാരത്തെയും നേതൃത്വത്തെയും ബഹുമാനിക്കുന്ന ബന്ധമാണ് ഇരുവരും പുലർത്തുന്നതെന്നും അദ്ദേഹം വിശദീകരിച്ചു.
അമേരിക്ക-ഇസ്രായേൽ ബന്ധം ശക്തമായി തുടരുന്നുണ്ടെന്നും, പ്രത്യേകിച്ച് ഇറാന്റെ ആണവ പദ്ധതിയുമായി ബന്ധപ്പെട്ട സുരക്ഷാ വിഷയങ്ങളിൽ ഇരു രാജ്യങ്ങളും സഹകരണം തുടരുകയാണെന്നും നെതന്യാഹു വ്യക്തമാക്കി. അതേസമയം, ഓരോ രാജ്യത്തിന്റെയും തീരുമാനങ്ങൾ അതത് ദേശീയ താൽപര്യങ്ങൾ അടിസ്ഥാനമാക്കിയുള്ളതാണെന്നും അദ്ദേഹം ആവർത്തിച്ചു.
