സൗദി അറേബ്യയിലെ കിഴക്കൻ പ്രവിശ്യയിൽ ഉണ്ടായ വാഹനാപകടത്തിൽ രണ്ട് മലയാളി യുവാക്കൾ മരിച്ചു. ദഹ്റാൻ–ജുബൈൽ ഹൈവേയിൽ നടന്ന അപകടത്തിൽ കണ്ണൂർ സ്വദേശികളായ സജീം ഖാലിദ്, ശ്രീലേഷ് ലക്ഷ്മൺ എന്നിവരാണ് മരിച്ചത്.
റാസ് തനൂറയിൽ നിന്ന് ദമാമിലേക്ക് യാത്ര ചെയ്യുകയായിരുന്ന ഇവർ സഞ്ചരിച്ച കാറിലേക്ക്, നിയന്ത്രണം വിട്ട് എത്തിയ ഒരു സൗദി പൗരൻ ഓടിച്ച വാഹനം ഇടിച്ചുകയറുകയായിരുന്നു. ഗുരുതരമായി പരിക്കേറ്റ ഇരുവരെയും ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. അപകടത്തെ തുടർന്ന് ബന്ധപ്പെട്ട അധികൃതർ അന്വേഷണം ആരംഭിച്ചിട്ടുണ്ട്.
