ടോക്കിയോ: ജപ്പാനിൽ വീണ്ടും ശക്തമായ ഭൂചലനം അനുഭവപ്പെട്ടു. രാജ്യത്തിന്റെ വടക്കൻ മേഖലയിലും സമീപ സമുദ്രപ്രദേശങ്ങളിലുമാണ് ഭൂചലനമുണ്ടായത്. ഭൂചലനത്തെ തുടർന്ന് ചില പ്രദേശങ്ങളിൽ ശക്തമായ കുലുക്കം അനുഭവപ്പെട്ടെങ്കിലും സുനാമി മുന്നറിയിപ്പ് പുറപ്പെടുവിച്ചിട്ടില്ല. പ്രാഥമിക വിവരങ്ങൾ പ്രകാരം ആളപായമോ വ്യാപക നാശനഷ്ടങ്ങളോ റിപ്പോർട്ട് ചെയ്തിട്ടില്ല.
ജപ്പാൻ കാലാവസ്ഥാ ഏജൻസിയും ദുരന്തനിവാരണ വിഭാഗവും സ്ഥിതിഗതികൾ നിരീക്ഷിച്ചുവരികയാണ്. ഭൂചലനത്തിന് പിന്നാലെ ചെറുകിട തുടർചലനങ്ങൾ ഉണ്ടാകാൻ സാധ്യതയുള്ളതിനാൽ ജാഗ്രത പാലിക്കണമെന്ന് അധികൃതർ നിർദേശിച്ചു. രാജ്യത്തിന്റെ വിവിധ ഭാഗങ്ങളിലെ ഗതാഗത, അടിസ്ഥാനസൗകര്യ സംവിധാനങ്ങൾക്കും പരിശോധന തുടരുകയാണ്.
