ബ്രിസ്ബെയ്ൻ: ഓസ്ട്രേലിയയിലെ ബ്രിസ്ബെയ്ൻ റോത്വെല്ലിൽ താമസിക്കുന്ന മലയാളി ദമ്പതികളായ ജോ സാനിയുടെയും ട്രീസ സെജോയുടെയും മകൻ ജെയ്ഡൻ സെജോ (17) അന്തരിച്ചു. ജെയ്ഡന്റെ അപ്രതീക്ഷിത വിയോഗം കുടുംബത്തിനും സുഹൃത്തുക്കൾക്കും വൻ നോവായി മാറി.
പരേതനായ ജെയ്ഡൻ സെജോയ്ക്ക് അന്തിമോപചാരം അർപ്പിക്കുന്നതിനും അനുസ്മരിക്കുന്നതിനുമുള്ള പൊതുദർശനവും സംസ്കാര ചടങ്ങുകളും 2026 ജൂലൈ 30 വ്യാഴാഴ്ച നടക്കും.
അന്ന് രാവിലെ 9 മണിക്ക് കിപ്പ റിംഗിലുള്ള ഹോളി ക്രോസ് കാത്തലിക് ചർച്ചിൽ (68 Nottingham Street, Kippa Ring, QLD 4021) പൊതുദർശനവും, തുടർന്ന് രാവിലെ 10:30 ന് അതേ പള്ളിയിൽ വെച്ച് ഫ്യൂണറൽ മാസും നടക്കും. ഉച്ചയ്ക്ക് 12 മണിക്ക് റെഡ്ക്ലിഫ് സെമിത്തേരിയിലാണ് (267 MacDonnell Road, Kippa Ring, QLD 4021) സംസ്കാര ചടങ്ങുകൾ നിശ്ചയിച്ചിരിക്കുന്നത്.
ഈ ദുഃഖവേളയിൽ കുടുംബത്തിന്റെ വേദനയിൽ പങ്കുചേരുന്നതിനും പ്രാർത്ഥനകളിൽ പങ്കാളികളാകുന്നതിനും ബന്ധുമിത്രാദികളെയും സുഹൃത്തുക്കളെയും സ്നേഹപൂർവ്വം ക്ഷണിക്കുന്നതായി ബന്ധുക്കൾ അറിയിച്ചു.
