പ്യോങ്യാങ്: കൊറിയൻ യുദ്ധവിരാമത്തിന്റെ 73-ാം വാർഷികാചരണത്തിൽ ഉത്തരകൊറിയൻ നേതാവ് കിം ജോങ് ഉൻ മകൾ കിം ജൂ ഏക്കൊപ്പം പങ്കെടുത്തത് രാജ്യത്തെ അധികാര പിൻഗാമിയെക്കുറിച്ചുള്ള ചർച്ചകൾക്ക് വീണ്ടും വഴിവെച്ചു. യുദ്ധസ്മാരകങ്ങളും വീരമൃത്യുവരിച്ചവരുടെ ശവകുടീരങ്ങളും സന്ദർശിച്ച കിം, സൈനികർക്കും മുൻ പോരാളികൾക്കും ആദരാഞ്ജലി അർപ്പിച്ചു. ചടങ്ങുകളിൽ ജൂ ഏ ആദ്യമായി പങ്കെടുത്തതും ശ്രദ്ധേയമായി.
ദക്ഷിണകൊറിയയുടെ ദേശീയ ഇന്റലിജൻസ് സർവീസും ഏകീകരണ മന്ത്രാലയവും ജൂ ഏയെ കിമ്മിന്റെ സാധ്യതയുള്ള പിൻഗാമിയായി വിലയിരുത്തുന്നുണ്ടെങ്കിലും, ഉത്തരകൊറിയ ഇക്കാര്യത്തിൽ ഔദ്യോഗിക സ്ഥിരീകരണം നൽകിയിട്ടില്ല. 2022 മുതൽ വിവിധ ഔദ്യോഗിക ചടങ്ങുകളിലും സൈനിക പരിപാടികളിലും ജൂ ഏ കിമ്മിനൊപ്പമുള്ള പൊതുപ്രത്യക്ഷങ്ങൾ വർധിച്ചതും ഈ വിലയിരുത്തലിന് ആക്കം കൂട്ടിയിട്ടുണ്ട്.
