കൊച്ചി: കൊച്ചിയിൽ ബാലഗോകുലം സംഘടിപ്പിച്ച ശ്രീകൃഷ്ണ ജയന്തി ശോഭയാത്രയിൽ പങ്കെടുത്ത കോൺഗ്രസ് എം.എൽ.എ മുഹമ്മദ് ഷിയാസിനെ അഭിനന്ദിച്ച് ഹിന്ദു ഐക്യവേദി നേതാക്കൾ. ശോഭായാത്രയിൽ ഷിയാസ് പങ്കെടുത്തതിന്റെ ചിത്രങ്ങൾ പങ്കുവെച്ചുകൊണ്ടാണ് ഹിന്ദു ഐക്യവേദി നേതാക്കളായ ആർ.വി. ബാബുവും കെ.പി. ശശികലയും ഫേസ്ബുക്കിലൂടെ പ്രതികരിച്ചത്.
കൊച്ചി കോർപ്പറേഷൻ സ്റ്റാൻഡിങ് കമ്മിറ്റി ചെയർമാൻ മനാഫിനൊപ്പമാണ് മുഹമ്മദ് ഷിയാസ് ശോഭായാത്രയിൽ പങ്കെടുത്തതെന്ന് നേതാക്കളുടെ സോഷ്യൽ മീഡിയ കുറിപ്പുകളിൽ വ്യക്തമാക്കുന്നു. എം.എൽ.എയുടെ ഈ നടപടി തികച്ചും മാതൃകാപരവും അഭിനന്ദനാർഹവുമാണെന്ന് ആർ.വി. ബാബു ഫേസ്ബുക്കിൽ കുറിച്ചപ്പോൾ, സമൂഹത്തിന് നല്ലൊരു മാതൃകയാണിതെന്ന് കെ.പി. ശശികലയും പോസ്റ്റിലൂടെ വ്യക്തമാക്കി.
