കാഞ്ഞിരപ്പള്ളി: യുവതിയുടെയും അമ്മയുടെയും ചിത്രങ്ങൾ അശ്ലീല രീതിയിൽ മോർഫ് ചെയ്ത് സമൂഹമാധ്യമങ്ങളിലൂടെ പ്രചരിപ്പിക്കുമെന്ന് ഭീഷണിപ്പെടുത്തുകയും കുടുംബാംഗങ്ങളെ മർദ്ദിക്കുകയും ചെയ്ത സംഭവത്തിൽ കൂവപ്പള്ളി സ്വദേശി ബിനുവിനെതിരെ കാഞ്ഞിരപ്പള്ളി പോലീസ് കേസെടുത്തു. ലൈംഗികാതിക്രമം, ഭീഷണിപ്പെടുത്തൽ, മർദ്ദനം തുടങ്ങിയ വകുപ്പുകൾ ചുമത്തിയാണ് പോലീസ് എഫ്.ഐ.ആർ രജിസ്റ്റർ ചെയ്തത്.
പരാതിക്കാരിയുടെയും അമ്മയുടെയും ചിത്രങ്ങൾ മോർഫ് ചെയ്ത് പ്രചരിപ്പിക്കുമെന്ന് ലൈംഗിക ഉദ്ദേശത്തോടെ പ്രതി ഭീഷണിപ്പെടുത്തുകയായിരുന്നു. ഇത് ചോദ്യം ചെയ്യാനെത്തിയ യുവതിയുടെ പിതാവിനെയും സഹോദരനെയും ഇയാൾ കൈയേറ്റം ചെയ്യുകയും ചെയ്തു. സംഭവത്തിൽ പരാതിക്കാരിയുടെ മൊഴി രേഖപ്പെടുത്തിയ കാഞ്ഞിരപ്പള്ളി പോലീസ് വിശദമായ അന്വേഷണം ആരംഭിച്ചു.
