ന്യൂഡൽഹി: 65-ാമത് ലളിതകലാ അക്കാദമി ദേശീയ പുരസ്കാരങ്ങൾ രാഷ്ട്രപതി ദ്രൗപദി മുർമു ന്യൂഡൽഹിയിൽ വിതരണം ചെയ്തു. രാജ്യത്തിന്റെ സമഗ്ര വികസനത്തിൽ കലാകാരന്മാർക്ക് വലിയ പങ്കുവഹിക്കാനുണ്ടെന്ന് പുരസ്കാര സമർപ്പണം നടത്തിക്കൊണ്ട് രാഷ്ട്രപതി വ്യക്തമാക്കി. കല കേവലം സൗന്ദര്യാസ്വാദനം മാത്രമല്ലെന്നും, അത് നമ്മുടെ സമ്പന്നമായ സാംസ്കാരിക പൈതൃകത്തിന്റെ യഥാർത്ഥ പ്രതിഫലനമാണെന്നും അവർ അഭിപ്രായപ്പെട്ടു. സമൂഹത്തിന്റെ വളർച്ചയ്ക്കും മൂല്യബോധം രൂപപ്പെടുത്തുന്നതിനും സർഗ്ഗാത്മക സൃഷ്ടികൾ നൽകുന്ന ഊർജ്ജം ചെറുതല്ലെന്നും രാഷ്ട്രപതി ചൂണ്ടിക്കാട്ടി.
65-ാമത് ലളിതകലാ അക്കാദമി പുരസ്കാരങ്ങൾ രാഷ്ട്രപതി ദ്രൗപദി മുർമു വിതരണം ചെയ്തു
