ദുബൈ: ഗള്ഫ് സന്ദര്ശനത്തിന്റെ ഭാഗമായി മുഖ്യമന്ത്രി പിണറായി വിജയന് ഇന്ന് ദുബൈയില് എത്തി.മൂന്നു ദിവസത്തെ സന്ദര്ശനത്തിനായാണ് പിണറായി വിജയന് ദുബൈയിലെത്തിയത്. മന്ത്രി സജി ചെറിയാന്,ചീഫ് സെക്രട്ടറി എ. ജയതിലക് എന്നിവരും അദ്ദേഹത്തിനൊപ്പമുണ്ട്. ഇന്ത്യന് കോണ്സുലേറ്റ് പ്രതിനിധികള്, പ്രവാസി ക്ഷേമനിധി ബോര്ഡ് ഡയറക്ടര്, സ്വീകരണ പരിപാടിയുടെ ജനറല് കണ്വീനര്, ഉള്പ്പെടെയുള്ളവര് ചേര്ന്ന് സ്വീകരിച്ചു.
മൂന്ന് ദിവസത്തെ സന്ദര്ശനത്തില് ഇന്ത്യന് കോണ്സല് ജനറല്, ബിസിനസ് പ്രമുഖര്, ദുബൈയിലെ ഭരണകര്ത്താക്കള് തുടങ്ങിയവരുമായി കൂടിക്കാഴ്ചകള് നടത്തും. അതോടൊപ്പം ദുബൈ ഖിസൈസിലെ അമിറ്റി സ്കൂളില് നടക്കുന്ന ‘ഓര്മ കേരളോത്സവത്തില്’ പങ്കുചേരും.തിങ്കളാഴ്ച വൈകിട്ട് മുഖ്യമന്ത്രി ദുബൈയില് പ്രവാസികളെ അഭിസംബോധന ചെയ്യും.മുഖ്യമന്ത്രിയുടെ അഞ്ച് ഗള്ഫ് രാജ്യങ്ങളിലെ സന്ദര്ശനം ദുബൈയില് അവസാനിക്കുകയാണ്.
