ബ്രസീലിയ: ചരിത്രത്തിലാദ്യമായി ചൈനയുടെ ആഭ്യന്തര ബോണ്ട് വിപണിയിലേക്ക് പ്രവേശിക്കാൻ ബ്രസീൽ തയ്യാറെടുക്കുന്നു. ‘പാണ്ഡാ ബോണ്ടുകൾ’ (Panda bonds) വഴി 500 കോടി യുവാൻ (ഏകദേശം 73.5 കോടി ഡോളർ) സമാഹരിക്കാനാണ് രാജ്യം പദ്ധതിയിടുന്നത്.
തങ്ങളുടെ സാമ്പത്തിക സ്രോതസ്സുകൾ വൈവിധ്യവത്കരിക്കുന്നതിനും ഏഷ്യൻ മൂലധന വിപണിയിലേക്കുള്ള പ്രവേശനം കൂടുതൽ ശക്തമാക്കുന്നതിനുമാണ് ഈ നീക്കമെന്ന് ബ്രസീൽ സർക്കാർ വ്യക്തമാക്കി. ഇതിലൂടെ ബ്രസീലിയൻ കമ്പനികൾക്ക് ഭാവിയിൽ യുവാൻ കറൻസിയിൽ കൂടുതൽ മൂലധന സമാഹരണം നടത്താനുള്ള അവസരം തുറന്നുകിട്ടുമെന്നും വിലയിരുത്തപ്പെടുന്നു.
