സെൻട്രൽ കോസ്റ്റ്: കഴിഞ്ഞ വിഷുപ്പുലരിയിൽ നന്മയുടെയും സഹാനുഭൂതിയുടെയും കൈത്തിരി തെളിയിച്ച് തുടക്കം കുറിച്ച സിസിഎംഎ (സെൻട്രൽ കോസ്റ്റ് മലയാളി അസോസിയേഷൻ) ചാരിറ്റി പ്രസ്ഥാനം, സ്നേഹത്തിന്റെയും കരുതലിന്റെയും ആറാം മാസത്തിലേക്ക് കാൽവെക്കുന്നു. തുണയില്ലാതെ ജീവിതത്തിന്റെ പെരുവഴിയിൽ പകച്ചുനിന്ന ആറ് നിരാലംബ കുടുംബങ്ങൾക്ക് ആശ്വാസത്തിന്റെ കുളിർമഴയാകാൻ ഈ ചുരുങ്ങിയ നാളുകൾ കൊണ്ട് സാധിച്ചു എന്നത് ഏറെ ചാരിതാർത്ഥ്യം നൽകുന്ന ഒന്നാണ്.
ഏറ്റവും അർഹരായവരിലേക്ക് മാത്രം സഹായമെത്തുന്നു എന്ന് ഉറപ്പുവരുത്തി, തികച്ചും സുതാര്യമായ രീതിയിലാണ് സിസിഎംഎ ചാരിറ്റി വിംഗ് ഓരോ ജീവകാരുണ്യ പ്രവർത്തനവും ഏകോപിപ്പിക്കുന്നത്. കഴിഞ്ഞ ആറുമാസക്കാലത്തെ ചാരിറ്റി അക്കൗണ്ടിന്റെ വരവ്-ചെലവ് സംക്ഷിപ്ത രൂപം ഉടൻ തന്നെ പങ്കുവെക്കുമെന്ന് ഭാരവാഹികൾ വ്യക്തമാക്കി.
ഇനിയും തുണ തേടിയെത്തിയ മൂന്ന് കുടുംബങ്ങളുടെ അപേക്ഷകൾ കൂടി സംഘടനയുടെ അനുഭാവപൂർവ്വമായ പരിഗണനയിലുണ്ട്. നന്മയുടെ ഈ പ്രയാണം തടസ്സമില്ലാതെ മുന്നോട്ട് കൊണ്ടുപോകാൻ സുമനസ്സുകളുടെ അകമഴിഞ്ഞ പിന്തുണയും സഹകരണവും തുടർന്നും ആവശ്യമാണ്. ഓരോ മാസവും നമ്മളാൽ കഴിയുന്ന ചെറിയൊരു കൈത്താങ്ങ്, പട്ടിണിയും ദുരിതവും അനുഭവിക്കുന്ന ഒരു കുടുംബത്തിന് ഒരുപക്ഷേ പുനർജന്മമായേക്കാം.
കാരുണ്യത്തിന്റെ ഈ മഹായജ്ഞത്തിൽ പങ്കുചേരാൻ ആഗ്രഹിക്കുന്നവർക്കായി ബാങ്ക് അക്കൗണ്ട് വിവരങ്ങൾ ചുവടെ നൽകുന്നു:
Account Name: Central Coast Malayalee Association Inc
BSB: 062 691
Account Number: 106 25804
ഈ കാരുണ്യ പ്രവർത്തനവുമായി ബന്ധപ്പെട്ട കൂടുതൽ വിവരങ്ങൾക്കും നിർദ്ദേശങ്ങൾക്കും സിസിഎംഎ ചാരിറ്റി വിംഗുമായി ബന്ധപ്പെടാവുന്നതാണ്
