ന്യൂഡൽഹി: അയോധ്യയിലെ ശ്രീരാമ ജന്മഭൂമി ക്ഷേത്രത്തിൽ ഭക്തർ സമർപ്പിച്ച കാണിക്കയും സംഭാവനകളും വകമാറ്റി ചിലവഴിച്ചെന്ന ആരോപണത്തിൽ സുപ്രീം കോടതിയുടെ ഇടപെടൽ തേടി നിവേദനം. സംഭവത്തിൽ എഫ്.ഐ.ആർ രജിസ്റ്റർ ചെയ്ത് കോടതിയുടെ നേരിട്ടുള്ള മേൽനോട്ടത്തിൽ അന്വേഷണം നടത്താൻ നിർദ്ദേശം നൽകണമെന്ന് ആവശ്യപ്പെട്ടാണ് സുപ്രീം കോടതിക്ക് മുന്നിൽ ഹർജി സമർപ്പിക്കപ്പെട്ടിരിക്കുന്നത്.
ക്ഷേത്ര ട്രസ്റ്റിന് ലഭിച്ച കോടിക്കണക്കിന് രൂപയുടെ സംഭാവനകളിലും വഴിപാടുകളിലും ക്രമക്കേട് നടന്നിട്ടുണ്ടെന്നാണ് ഉയർന്നുവന്നിരിക്കുന്ന ആരോപണം. വിഷയത്തിന്റെ ഗൗരവം കണക്കിലെടുത്ത് കേന്ദ്ര അന്വേഷണ ഏജൻസിയായ സി.ബി.ഐ കേസ് ഏറ്റെടുക്കണമെന്നും സുപ്രീം കോടതിയുടെ കർശനമായ നിരീക്ഷണത്തിലായിരിക്കണം അന്വേഷണം നടക്കേണ്ടതെന്നും ഹർജിയിൽ ആവശ്യപ്പെടുന്നു. ഭക്തരുടെ വിശ്വാസത്തെയും ക്ഷേത്രത്തിന്റെ സുതാര്യതയെയും ബാധിക്കുന്ന കാര്യമായതിനാൽ എത്രയും വേഗം നീതിന്യായപരമായ ഇടപെടൽ വേണമെന്നാണ് ഹർജിക്കാരുടെ വാദം.
അയോധ്യ രാമക്ഷേത്ര പ്രതിഷ്ഠയ്ക്ക് ശേഷം രാജ്യത്തിന്റെ വിവിധ ഭാഗങ്ങളിൽ നിന്നും വിദേശങ്ങളിൽ നിന്നും വൻതോതിലുള്ള പണവും സ്വർണ്ണവും ഉൾപ്പെടെയുള്ള സംഭാവനകളാണ് ക്ഷേത്രത്തിലേക്ക് ഒഴുകിയെത്തിയത്. ഈ ഫണ്ടുകളുടെ വിനിയോഗവുമായി ബന്ധപ്പെട്ട് ഉയർന്ന പരാതികളിൽ സ്വതന്ത്രവും നിഷ്പക്ഷവുമായ അന്വേഷണം ഉറപ്പാക്കാൻ പരമോന്നത കോടതിയുടെ ഉത്തരവ് അനിവാര്യമാണെന്ന് സമർപ്പിക്കപ്പെട്ട ഹർജിയിൽ വ്യക്തമാക്കുന്നുണ്ട്. വിഷയത്തിൽ സുപ്രീം കോടതിയുടെ ഭാഗത്തുനിന്നുള്ള തുടനടപടികൾ വരും ദിവസങ്ങളിൽ വ്യക്തമാകും
