മെക്സിക്കോ സിറ്റി: ഫിഫ ലോകകപ്പ് പ്രീക്വാർട്ടർ പോരാട്ടത്തിൽ ആതിഥേയരായ മെക്സിക്കോയെ 3-2ന് തോൽപ്പിച്ച് ഇംഗ്ലണ്ട് ക്വാർട്ടർ ഫൈനലിൽ പ്രവേശിച്ചു. മഴയെ തുടർന്ന് ഒരു മണിക്കൂർ വൈകി ആരംഭിച്ച മത്സരത്തിൽ ജൂഡ് ബെല്ലിങ്ഹാമിന്റെ ഇരട്ടഗോളും ഹാരി കെയ്നിന്റെ പെനാൽറ്റി ഗോളുമാണ് ഇംഗ്ലണ്ടിന് ജയം സമ്മാനിച്ചത്.
36-ാം, 38-ാം മിനിറ്റുകളിൽ ബെല്ലിങ്ഹാം ഇംഗ്ലണ്ടിനെ മുന്നിലെത്തിച്ചു. ആദ്യ പകുതി അവസാനിക്കുന്നതിന് തൊട്ടുമുമ്പ് ജൂലിയൻ ക്വിന്യോനസ് മെക്സിക്കോയ്ക്കായി ഒരു ഗോൾ മടക്കി. രണ്ടാം പകുതിയിൽ ജാരെൽ ക്വാൻസയ്ക്ക് ചുവപ്പ് കാർഡ് ലഭിച്ചതോടെ ഇംഗ്ലണ്ട് പത്ത് പേരായി ചുരുങ്ങിയെങ്കിലും, 60-ാം മിനിറ്റിൽ ഹാരി കെയ്നിന്റെ പെനാൽറ്റി ഗോൾ ലീഡ് 3-1 ആക്കി. തുടർന്ന് റൗൾ ഹിമിനസ് പെനാൽറ്റിയിലൂടെ മെക്സിക്കോയുടെ രണ്ടാം ഗോൾ നേടിയെങ്കിലും സമനില പിടിക്കാനായില്ല.
ഈ ജയത്തോടെ ഇംഗ്ലണ്ട് ക്വാർട്ടർ ഫൈനലിൽ നോർവെയെ നേരിടും. ബ്രസീലിനെ അട്ടിമറിച്ചാണ് നോർവേ അവസാന എട്ടിലെത്തിയത്.
