ബ്രസൽസ്: സ്പെയിന്റെ പ്രദേശമായ സെവുട്ടയിലെ അനിയന്ത്രിതമായ കുടിയേറ്റത്തിൽ ശക്തമായ നടപടി വേണമെന്ന് ആവശ്യപ്പെട്ട് യൂറോപ്യൻ കമ്മീഷൻ പ്രസിഡന്റ് ഉർസുല വോൺ ഡെർ ലെയ്ൻ. സെവുട്ടയിൽ നിന്നു പുറത്തുവന്ന ദൃശ്യങ്ങൾ തികച്ചും അംഗീകരിക്കാൻ കഴിയാത്തതാണെന്ന് അവർ പറഞ്ഞു.
യൂറോപ്യൻ യൂണിയന്റെ നിയമങ്ങൾ പാലിക്കാതെ ആരെയും ഇങ്ങോട്ടേക്ക് കടന്നുവരാൻ അനുവദിക്കാനാകില്ലെന്ന് ഉർസുല വോൺ ഡെർ ലെയ്ൻ വ്യക്തമാക്കി. അപകടകരമായ കുടിയേറ്റ കടന്നുകയറ്റങ്ങൾ ഉടനടി അവസാനിപ്പിക്കണം. മനുഷ്യക്കടത്ത് ശൃംഖലകൾ പൂർണ്ണമായും തകർക്കുകയും, നിലവിലുള്ള നിയമങ്ങൾ അനുവദിക്കുന്നതനുസരിച്ച് കുടിയേറ്റക്കാരെ തിരിച്ചയക്കുന്ന നടപടികൾ വേഗത്തിലാക്കുകയും വേണമെന്ന് അവർ ആവശ്യപ്പെട്ടു.
സെവുട്ടയിലെ നിലവിലെ സാഹചര്യം നിയന്ത്രണവിധേയമാക്കാൻ രണ്ട് യൂറോപ്യൻ കമ്മീഷണർമാരെ ചുമതലപ്പെടുത്തിയതായും അവർ അറിയിച്ചു. മൊറോക്കോയുമായുള്ള സഹകരണം കൃത്യമായ ഫലം നൽകുമെന്ന പ്രതീക്ഷയും യൂറോപ്യൻ കമ്മീഷൻ പ്രസിഡന്റ് പ്രകടിപ്പിച്ചു.
