തൃശ്ശൂർ: മുണ്ടത്തിക്കോട് വെടിക്കെട്ട് നിർമ്മാണ ശാലയിലുണ്ടായ സ്ഫോടനത്തിന്റെ പശ്ചാത്തലത്തിൽ, സംഭവത്തെക്കുറിച്ചുള്ള തത്സമയ വിവരങ്ങൾ ലഭ്യമാക്കുന്നതിനായി ജില്ലാ ഭരണകൂടം കൺട്രോൾ റൂമുകൾ തുറന്നു. പൊതുജനങ്ങൾക്ക് വിവരങ്ങൾ കൈമാറുന്നതിനും രക്ഷാപ്രവർത്തനങ്ങൾ ഏകോപിപ്പിക്കുന്നതിനുമായി രണ്ട് കേന്ദ്രങ്ങളാണ് നിലവിൽ സജ്ജമാക്കിയിരിക്കുന്നത്.
മുണ്ടത്തിക്കോട് വില്ലേജ് ഓഫീസിലും തൃശ്ശൂർ താലൂക്ക് ഓഫീസിലുമാണ് കൺട്രോൾ റൂമുകൾ പ്രവർത്തിക്കുന്നത്. വിവരങ്ങൾക്കായി താഴെ പറയുന്ന നമ്പറുകളിൽ ബന്ധപ്പെടാവുന്നതാണ്:
മുണ്ടത്തിക്കോട് വില്ലേജ് ഓഫീസ്: 8547614620
തൃശ്ശൂർ താലൂക്ക് ഓഫീസ്: 04884232226
അപകടത്തിൽപ്പെട്ടവരുടെ വിവരങ്ങൾ അറിയുന്നതിനും അടിയന്തര സഹായങ്ങൾക്കും ഈ നമ്പറുകളിൽ ബന്ധപ്പെടാമെന്ന് അധികൃതർ അറിയിച്ചു. ദുരന്തസ്ഥലത്തെ രക്ഷാപ്രവർത്തനങ്ങളും ആശുപത്രികളിലെ ചികിത്സാ വിവരങ്ങളും ഈ കൺട്രോൾ റൂമുകൾ വഴി നിരീക്ഷിച്ചുവരികയാണ്. പ്രദേശത്ത് റവന്യൂ വകുപ്പിന്റെ പ്രത്യേക സംഘം ക്യാമ്പ് ചെയ്ത് സ്ഥിതിഗതികൾ വിലയിരുത്തുന്നുണ്ട്. വിവരം അറിഞ്ഞ് നിരവധി പേർ ബന്ധപ്പെടുന്ന സാഹചര്യത്തിൽ തടസ്സമില്ലാത്ത സേവനം ഉറപ്പാക്കാൻ ഉദ്യോഗസ്ഥർക്ക് കളക്ടർ നിർദ്ദേശം നൽകി.
