കുവൈത്ത്: ഇറാൻ നടത്തിയ മിസൈൽ ആക്രമണത്തിൽ കുവൈത്തിലെ വൈദ്യുതി-കടൽജല ശുദ്ധീകരണ (ഡീസാലിനേഷൻ) പ്ലാന്റിന് കേടുപാടുണ്ടായതായി കുവൈത്ത് അധികൃതർ അറിയിച്ചു. ആക്രമണത്തെ തുടർന്ന് പ്ലാന്റിലെ ചില ഭാഗങ്ങൾ തകരാറിലായെങ്കിലും രാജ്യത്തെ വൈദ്യുതി, കുടിവെള്ള വിതരണം തുടരുമെന്ന് ബന്ധപ്പെട്ട മന്ത്രാലയം വ്യക്തമാക്കി.
പ്രദേശത്ത് അമേരിക്കയും ഇറാനും തമ്മിലുള്ള സംഘർഷം രൂക്ഷമായ സാഹചര്യത്തിലാണ് ആക്രമണം ഉണ്ടായത്. ഇറാൻ അമേരിക്കൻ സൈനിക താവളങ്ങളെ ലക്ഷ്യമിട്ടുള്ള മിസൈൽ ആക്രമണങ്ങളുടെ ഭാഗമായാണ് കുവൈത്തിലേക്കും ആക്രമണം നടത്തിയതെന്നാണ് റിപ്പോർട്ടുകൾ. കുവൈത്ത് സർക്കാർ അടിയന്തര അറ്റകുറ്റപ്പണികൾ ആരംഭിച്ചതായും സ്ഥിതിഗതികൾ നിരീക്ഷിച്ചുവരികയാണെന്നും അറിയിച്ചു.
ഗൾഫ് മേഖലയിലെ സംഘർഷം രൂക്ഷമാകുന്നത് ഊർജസുരക്ഷയെയും അടിസ്ഥാന സൗകര്യങ്ങളെയും ബാധിക്കുമെന്ന ആശങ്കയും ശക്തമായിട്ടുണ്ട്.
