ശ്രീനഗർ: ജമ്മു കശ്മീരിലെ പൂഞ്ച് ജില്ലയിൽ നിയന്ത്രണ രേഖയ്ക്ക് സമീപം ലാൻഡ്മൈൻ പൊട്ടിത്തെറിച്ച് സൈനികന് പരിക്ക്. അതിർത്തിയിൽ പട്രോളിംഗ് നടത്തുന്നതിനിടെയാണ് സ്ഫോടനമുണ്ടായത്.
ശനിയാഴ്ച ഉച്ചയോടെ പൂഞ്ച് സെക്ടറിലെ അതിർത്തി മേഖലയിലായിരുന്നു സംഭവം. സൈനികർ സാധാരണ പട്രോളിംഗ് നടത്തുന്നതിനിടെ അബദ്ധത്തിൽ മൈൻ പൊട്ടിത്തെറിക്കുകയായിരുന്നു.
സ്ഫോടനത്തിൽ പരിക്കേറ്റ സൈനികനെ ഉടൻ തന്നെ ഹെലികോപ്റ്റർ മാർഗ്ഗം ഉധംപൂരിലെ സൈനിക ആശുപത്രിയിൽ പ്രവേശിപ്പിച്ചു. അദ്ദേഹത്തിന്റെ പരിക്ക് ഗുരുതരമല്ലെന്നാണ് സൈനിക വൃത്തങ്ങൾ നൽകുന്ന വിവരം.
നുഴഞ്ഞുകയറ്റ പ്രതിരോധ പ്രവർത്തനങ്ങളുടെ ഭാഗമായി അതിർത്തിയിൽ സ്ഥാപിച്ചിരുന്ന പഴയ മൈൻ ആണ് പൊട്ടിത്തെറിച്ചതെന്നാണ് പ്രാഥമിക നിഗമനം. മഞ്ഞുവീഴ്ചയോ മണ്ണൊലിപ്പോ കാരണം ഇത്തരം മൈനുകൾ സ്ഥാനചലനം സംഭവിക്കാറുണ്ട്.
സ്ഫോടനത്തെത്തുടർന്ന് പ്രദേശം സൈന്യം വളയുകയും കൂടുതൽ മൈനുകൾ മേഖലയിലുണ്ടോ എന്ന് പരിശോധിക്കുകയും ചെയ്തു. അതിർത്തിയിൽ സുരക്ഷാ പരിശോധനകൾ ശക്തമാക്കിയിട്ടുണ്ട്.അതിർത്തിയിൽ സൈനികരുടെ സുരക്ഷ ഉറപ്പാക്കാൻ മൈൻ ഡിറ്റക്ടറുകൾ ഉപയോഗിച്ചുള്ള പരിശോധനകളും ഊർജിതമാക്കിയിട്ടുണ്ട്. പരിക്കേറ്റ സൈനികൻ അപകടനില തരണം ചെയ്തതായി ആശുപത്രി അധികൃതർ അറിയിച്ചു.
