ടെഹ്റാൻ: ഹോർമൂസ് കടലിടുക്കിൽ സഞ്ചരിച്ചിരുന്ന ഒരു എണ്ണക്കപ്പലിന് നേരെ മിസൈൽ ആക്രമണമുണ്ടായതിനെ തുടർന്ന് കപ്പലിൽ തീപിടിത്തമുണ്ടായി. ആക്രമണത്തെ തുടർന്ന് മേഖലയിലെ സമുദ്രഗതാഗതത്തിനും ആഗോള എണ്ണവിതരണത്തിനും ആശങ്ക ശക്തമായിരിക്കുകയാണ്.
ബ്രിട്ടന്റെ യുകെ മാരിടൈം ട്രേഡ് ഓപ്പറേഷൻസ് (UKMTO) കപ്പലിന് അജ്ഞാത പ്രൊജക്ടൈൽ പതിച്ചതായി റിപ്പോർട്ട് ചെയ്തിട്ടുണ്ട്. സംഭവത്തെ തുടർന്ന് രക്ഷാപ്രവർത്തനങ്ങൾ ആരംഭിച്ചെങ്കിലും ആക്രമണത്തിന് ഉത്തരവാദികൾ ആരെന്നത് സംബന്ധിച്ച് ഔദ്യോഗിക സ്ഥിരീകരണമുണ്ടായിട്ടില്ല.
അമേരിക്ക–ഇറാൻ സംഘർഷം രൂക്ഷമായ പശ്ചാത്തലത്തിൽ ഹോർമുസ് കടലിടുക്കിലൂടെയുള്ള വാണിജ്യക്കപ്പലുകൾക്ക് നേരെയുള്ള ഭീഷണി വർധിച്ചിരിക്കുകയാണ്. സമീപ ദിവസങ്ങളിൽ നിരവധി ടാങ്കറുകൾക്കും വാണിജ്യക്കപ്പലുകൾക്കും നേരെ ആക്രമണങ്ങൾ റിപ്പോർട്ട് ചെയ്തിട്ടുണ്ടെന്നും ഇതോടെ മേഖലയിൽ സുരക്ഷാ ആശങ്കകൾ ശക്തമായിട്ടുണ്ടെന്നും റിപ്പോർട്ടുകൾ സൂചിപ്പിക്കുന്നു.
