തിരുവനന്തപുരം: കേരളത്തിന്റെ 29-ാമത് ഗവർണറായി മുതിർന്ന ബിജെപി നേതാവും മുൻ സിക്കിം ഗവർണറുമായ ഓം പ്രകാശ് മാഥൂർ സത്യപ്രതിജ്ഞ ചെയ്ത് ചുമതലയേറ്റു. തിരുവനന്തപുരത്തെ ലോകഭവനിൽ നടന്ന ഔദ്യോഗിക ചടങ്ങിൽ കേരള ഹൈക്കോടതി ചീഫ് ജസ്റ്റിസ് സൗമെൻ സെൻ അദ്ദേഹത്തിന് സത്യവാചകം ചൊല്ലിക്കൊടുത്തു.
ചടങ്ങിൽ മുഖ്യമന്ത്രി വി.ഡി. സതീശൻ, മന്ത്രിമാർ, ചീഫ് സെക്രട്ടറി, ജനപ്രതിനിധികൾ, ഉന്നത സിവിൽ-പോലീസ് ഉദ്യോഗസ്ഥർ തുടങ്ങിയ പ്രമുഖർ പങ്കെടുത്തു. തമിഴ്‌നാട് ഗവർണറായി നിയമിതനായ രാജേന്ദ്ര വിശ്വനാഥ് അർലേക്കറുടെ ഒഴിവിലേക്കാണ് ശ്രീ മാഥുർ എത്തുന്നത്.
രാജസ്ഥാൻ സ്വദേശിയായ ഓം പ്രകാശ് മാഥൂർ ദീർഘകാലം പാർലമെന്റ് അംഗമായും ബിജെപിയുടെ വിവിധ സംസ്ഥാനങ്ങളുടെ ചുമതലയുള്ള നേതാവായും പ്രവർത്തിച്ചിട്ടുണ്ട്. ദൈവത്തിന്റെ സ്വന്തം നാടായ കേരളത്തിൽ പുതിയൊരു ദൗത്യം ആരംഭിക്കാൻ സാധിച്ചതിൽ അതിയായ സന്തോഷമുണ്ടെന്ന് അധികാരമേറ്റ ശേഷം അദ്ദേഹം പ്രതികരിച്ചു.
