സിഡ്നി : ശാസ്ത്രവും സാങ്കേതികവിദ്യയും പ്രിവന്റീവ് ഹെൽത്ത് കെയറും ഒത്തുചേർന്ന ‘പ്രിസം ഐഒ ബിസിനസ് ഷോക്കേസ്’ (Prysm iO Business Showcase) ശ്രദ്ധേയമാകുന്നു. ആരോഗ്യ സംരക്ഷണ രംഗത്ത് പ്രതിരോധ മാർഗ്ഗങ്ങൾക്ക് മുൻഗണന നൽകുന്ന ഒരു പുതിയ സമീപനം വളർത്തിയെടുക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.
നമ്മുടെ ദൈനംദിന ജീവിതശൈലി തിരഞ്ഞെടുപ്പുകൾ ദീർഘകാല ആരോഗ്യത്തെ എങ്ങനെ സ്വാധീനിക്കുന്നു എന്നതിനെക്കുറിച്ച് ഡോ. നിവേദിത മനോഹരൻ ചടങ്ങിൽ പ്രായോഗികവും ശാസ്ത്രീയവുമായ ആശയങ്ങൾ പങ്കുവെച്ചു. ആരോഗ്യവിവരങ്ങൾ കൃത്യമായി മനസ്സിലാക്കുന്നത് ഭാവിയിലേക്ക് മികച്ച തീരുമാനങ്ങൾ എടുക്കാൻ ഓരോരുത്തരെയും പ്രാപ്തരാക്കുമെന്ന് പരിപാടിയിൽ പങ്കെടുത്തവർ അഭിപ്രായപ്പെട്ടു.
പ്രിവന്റീവ് ഹെൽത്ത് കെയർ കൂടുതൽ ആളുകളിലേക്ക് എത്തിക്കുന്നതിനുള്ള ഈ നീക്കത്തിൽ പങ്കാളികളായ കാതറിൻ ഹോഡ്ജ്, ഡോ. കിരൺ സി.കെ, ഷൈനിത്ത എന്നിവരുൾപ്പെടെയുള്ള പ്രമുഖ വ്യക്തികൾക്ക് ചടങ്ങിൽ നന്ദി അറിയിച്ചു. ‘സോൾ & സ്ട്രെങ്ത്’ (Soul & Strength) എന്ന കൂട്ടായ്മയും ഈ പ്രിവന്റീവ് ഹെൽത്ത് കെയർ മുന്നേറ്റത്തിന്റെ ഭാഗമായി സജീവമായി രംഗത്തുണ്ട്.
