തലശ്ശേരി: തലശ്ശേരി അതിരൂപതാംഗവും പ്രമുഖ പുരോഹിതനുമായ റവ. ഫാ. ജോസ് ജേക്കബ് നെടുന്തകിടി (83) നിര്യാതനായി. ദീർഘകാലം അതിരൂപതയുടെ വിവിധ ഇടവകകളിലും വിദേശരാജ്യങ്ങളിലും അജപാലന ശുശ്രൂഷയിൽ സജീവമായിരുന്നു അദ്ദേഹം.
അരിക്കമല, രത്നഗിരി, ദീപഗിരി, പുഴീത്തോട്, മാടത്തിൽ, തേർമല, ഉരുപ്പുംകുറ്റി തുടങ്ങിയ ഇടവകകളിൽ വികാരിയായി സേവനമനുഷ്ഠിച്ചിട്ടുണ്ട്. കേരളത്തിന് പുറമെ ഓസ്ട്രേലിയ, അമേരിക്ക, സൗത്ത് ആഫ്രിക്ക എന്നീ രാജ്യങ്ങളിലും അദ്ദേഹം മിഷണറി സേവനം നടത്തിയിട്ടുണ്ട്. തന്റെ സേവന മേഖലകളിലെല്ലാം ജനകീയനായ പുരോഹിതനായിരുന്നു അദ്ദേഹം.
പരേതന്റെ സംസ്കാര ശുശ്രൂഷകൾ നാളെ രാവിലെ 10 മണിക്ക് തലശ്ശേരി കത്തീഡ്രൽ ദൈവാലയത്തിൽ നടക്കും. തലശ്ശേരി അതിരൂപതാ മെത്രാപ്പോലീത്ത മാർ ജോസഫ് പാംപ്ലാനിയുടെ മുഖ്യ കാർമ്മികത്വത്തിലാണ് തിരുശേഷിപ്പുകൾ അടക്കം ചെയ്യുന്നതടക്കമുള്ള അന്ത്യകർമ്മങ്ങൾ നിർവ്വഹിക്കുക. അതിരൂപതയിലെ നിരവധി വൈദികരും വിശ്വാസികളും ചടങ്ങുകളിൽ സംബന്ധിക്കും.
