മെൽബൺ: ഓസ്ട്രേലിയയിലെ വിക്ടോറിയൻ ഉൽപ്പന്നങ്ങൾ നേരിട്ട് സൗദി അറേബ്യയിൽ എത്തിക്കു ന്നതിനുള്ള ആദ്യത്തെ എയർ ഫ്രൈറ്റ് സർവീസ് ആവലൺ എയർപോർട്ടിൽ നിന്ന് ആരംഭിച്ചു. പുതിയ ചരക്ക് വിമാന സർവീസ് ഓസ്ട്രേലിയൻ കാർഷിക-വ്യവസായ മേഖലകൾക്ക് അന്താരാഷ്ട്ര വിപണിയിലേക്ക് കൂടുതൽ അവസരങ്ങൾ തുറന്നുനൽകും.
വിക്ടോറിയൻ കർഷകർ ഉൽപ്പാദിപ്പിക്കുന്ന മാംസം, പാൽ ഉൽപ്പന്നങ്ങൾ, മറ്റ് പച്ചക്കറികൾ തുടങ്ങിയവ വേഗത്തിലും സുരക്ഷിതമായും പശ്ചിമേഷ്യൻ വിപണികളിൽ എത്തിക്കാൻ ഈ നേരിട്ടുള്ള സർവീസ് വഴി സാധിക്കും. റിയാദിലേക്ക് നേരിട്ടുള്ള ഈ വ്യാപാര പാത നിലവിൽ വന്നതോടെ വിക്ടോറിയയുടെ കയറ്റുമതി മേഖലയ്ക്ക് വൻ കുതിച്ചുചാട്ടമുണ്ടാകുമെന്നാണ് സാമ്പത്തിക വിദഗ്ധരുടെ വിലയിരുത്തൽ.ആഗോള വിതരണ ശൃംഖലയിൽ ഓസ്ട്രേലിയയുടെ സ്ഥാനം കൂടുതൽ ഉറപ്പിക്കാൻ ഇത് സഹായിക്കും.
