കൻസാസ് സിറ്റി:2026 ഫിഫ ലോകകപ്പിന്റെ ക്വാർട്ടർ ഫൈനൽ മത്സരങ്ങൾ പൂർത്തിയായതോടെ സെമിഫൈനൽ പോരാട്ടങ്ങൾക്ക് വേദിയൊരുങ്ങി. ഫ്രാൻസ്, സ്പെയിൻ, ഇംഗ്ലണ്ട്, അർജന്റീന എന്നിവരാണ് അവസാന നാലിൽ ഇടംപിടിച്ചത്.
ആദ്യ സെമിഫൈനലിൽ ചൊവ്വാഴ്ച ഫ്രാൻസ് സ്പെയിനിനെ നേരിടും. ബുധനാഴ്ച നടക്കുന്ന രണ്ടാം സെമിയിൽ നിലവിലെ ചാമ്പ്യൻമാരായ അർജന്റീന ഇംഗ്ലണ്ടിനെതിരെ ഇറങ്ങും.
ക്വാർട്ടർ ഫൈനലിൽ ബെൽജിയത്തെ 2-1ന് കീഴടക്കിയാണ് സ്പെയിൻ സെമിയിലെത്തിയത്. ഫ്രാൻസ് മൊറോക്കോയെ മറികടന്നപ്പോൾ, ഇംഗ്ലണ്ട് അധികസമയത്ത് നോർവെയെ 2-1ന് തോൽപ്പിച്ചു. അർജന്റീന സ്വിറ്റ്സർലൻഡിനെ പരാജയപ്പെടുത്തിയാണ് അവസാന നാലിൽ ഇടംപിടിച്ചത്.
ജൂലൈ 19-നാണ് ലോകകപ്പ് ഫൈനൽ നടക്കുക.
