സിഡ്നി: ഭീകരരുടെ വെടിവയ്പ്പില് കൊല്ലപ്പെട്ട 15 പേര്ക്ക് ആദരമര്പ്പിക്കാന് ആയിരക്കണക്കിന് ആളുകള് ബോണ്ടായ് ബീച്ചില് ഒത്തുകൂടി. സര്ഫിംഗ് ബോര്ഡുകളുമായി കടലിലിറങ്ങിയ അവര് വെള്ളത്തില് ഒരു വലിയ വൃത്തം (Paddleout circle) തീര്ത്താണ് പ്രിയപ്പെട്ടവര്ക്ക് വിടചൊല്ലിയത്. സിഡ്നി ഓപ്പറ ഹൗസില് മൃതദേഹങ്ങളോടുള്ള ആദരസൂചകമായി ദീപങ്ങള് തെളിയിച്ചു.
ബോണ്ടായ് ജംഗ്ഷനിലുണ്ടായ ദാരുണമായ അക്രമത്തില് ജീവന് നഷ്ടപ്പെട്ടവരോടുള്ള ആദരസൂചകമായി ഏകദേശം 50,000-ത്തോളം ആളുകളാണ് ബീച്ചില് ഒത്തുകൂടിയത്. സന്ധ്യാസമയത്ത് നടന്ന ഈ ചടങ്ങില് മെഴുകുതിരികള് തെളിയിച്ചും പൂക്കള് അര്പ്പിച്ചും ജനങ്ങള് തങ്ങളുടെ ദുഃഖം പങ്കിട്ടു.
കൊല്ലപ്പെട്ടവരില് ഒരാളായ ഫറാ മഗ്രീബി ഒരു സര്ഫറായിരുന്നു. അവരെയും മറ്റ് ഇരകളെയും അനുസ്മരിക്കാന് അവരുടെ സുഹൃത്തുക്കളും കുടുംബാംഗങ്ങളും കടലിലെ വൃത്തത്തില് പങ്കുചേര്ന്നു. ബീച്ചിലെ മണല്പ്പരപ്പില് ആയിരങ്ങള് നിശബ്ദരായി പ്രാര്ത്ഥനയോടെ നിന്നു.’ബോണ്ടായ് സ്ട്രോങ്ങ്’ (Bondi Strong) എന്ന സന്ദേശമുയര്ത്തിയാണ് നഗരം ഈ ദുരന്തത്തെ നേരിട്ടത്. ഭയത്തിന് കീഴ്പ്പെടാതെ എല്ലാവരും ഒത്തൊരുമയോടെ നില്ക്കുന്നു എന്നതിന്റെ പ്രഖ്യാപനമായിരുന്നു ഈ ഒത്തുചേരല്.
