ബംഗളൂരു: കര്ണാടകയിലെ യെലഹങ്കയില് കുടിയൊഴിപ്പിക്കപ്പെട്ടവര് ബൈപ്പനഹള്ളിയില് ഫ്ളാറ്റിന് പണം നല്കേണ്ടിവരില്ലെന്ന് സര്ക്കാര് അറിയിച്ചു. ജനറല് വിഭാഗത്തിന് സബ്സിഡിയായി 8.7 ലക്ഷം രൂപ നല്കും. എസ്സി/ എസ്ടി വിഭാഗത്തിന് സബ്സിഡിയായി 9.5 ലക്ഷം രൂപ നല്കാനും തീരുമാനമായി. ബാക്കി വരുന്ന തുകയ്ക്ക് വായ്പ സൗകര്യം ഒരുക്കാനും ധാരണയായിട്ടുണ്ട്.
സംസ്ഥാന സര്ക്കാരിന്റെ സബ്സിഡിയ്ക്ക് പുറമേ കേന്ദ്ര സബ്സിഡിയും ലഭ്യമാക്കും. നേരത്തെ ബിബിഎംപി സബ്സിഡി മാത്രമാണ് പ്രഖ്യാപിച്ചിരുന്നത്. അഞ്ച് ലക്ഷം രൂപ നല്കും എന്നായിരുന്നു പ്രഖ്യാപനം. അര്ഹരായവരുടെ പട്ടിക ബുധനാഴ്ച മുതല് തയാറാക്കി തുടങ്ങും.ജനുവരി ഒന്ന് മുതല് ഫ്ളാറ്റുകള് കൈമാറി തുടങ്ങുമെന്ന് കര്ണാടക സര്ക്കാര് അറിയിച്ചിരുന്നു.
ബൈയപ്പനഹളളി യിലെ വീടുകള് സൗജന്യമായി കൈമാറില്ലെന്നും വീടിന് ഓരോരുത്തരും അഞ്ച് ലക്ഷം രൂപ വീതം നല്കണമെന്നും സര്ക്കാര് തീരുമാനിച്ചതായി നേരത്തെ റിപ്പോര്ട്ടുണ്ടായിരുന്നു.11.2 ലക്ഷം രൂപയുടെ വീട് അഞ്ച് ലക്ഷം രൂപയ്ക്ക് നല്കുമെന്നാണ് സര്ക്കാര് അറിയിച്ചിരുന്നത്.
മുഖ്യമന്ത്രി വിളിച്ച ഉന്നതതല യോഗത്തിലായിരുന്നു ഇതുസംബന്ധിച്ച തീരുമാനമെടുത്തത്.ഡിസംബര് ഇരുപതിനാണ് യെലഹങ്കയിലെ കൊഗിലു ഗ്രാമത്തില് കൈയേറ്റം ആരോപിച്ച് നാന്നൂറിലധികം വീടുകള് അധികൃതര് പൊളിച്ചുമാറ്റിയത്
