ധനുഷ് ചിത്രത്തിന് ശേഷം സൂപ്പർസ്റ്റാർ അജിത്തിന്റെ നായികയായി മഞ്ജു വാര്യർ തമിഴിലേക്ക്. വലിമൈക്ക് ശേഷം എച്ച് വിനോദും അജിത്തും ഒന്നിക്കുന്ന ചിത്രമാണിത്. ബാങ്ക് മോഷണമാണ് ചിത്രത്തിന്റെ പ്രമേയം. ഹൈദരാബാദ്, ചെന്നൈ എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷനുകൾ. ബോണി കപൂറാണ് ചിത്രം നിർമ്മിക്കുന്നത്.
ധനുഷ് നായകനായ അസുരൻ എന്ന ചിത്രത്തിന് ശേഷം മഞ്ജുവാര്യർ അഭിനയിക്കുന്ന രണ്ടാമത്തെ ചിത്രമാണിത്. വെട്രിമാരൻ സംവിധാനം ചെയ്ത അസുരനിലെ മഞ്ജുവിന്റെ വേഷം ഏറെ ശ്രദ്ധനേടിയിരുന്നു. പച്ചയമ്മാൾ എന്ന കരുത്തുറ്റ കഥാപാത്രത്തെ മഞ്ജു ഗംഭീരമാക്കി. ധനുഷിന്റെ ഭാര്യയായാണ് ചിത്രത്തിൽ മഞ്ജു അഭിനയിച്ചത്.
