ബെയ്റൂട്ട് തെക്കൻ മേഖലയിലുണ്ടായ ഇസ്രയേൽ ഡ്രോൺ ആക്രമണങ്ങളിൽ 12 പേർ കൊല്ലപ്പെട്ടതായി ലെബനൻ ആരോഗ്യ മന്ത്രാലയം അറിയിച്ചു. കൊല്ലപ്പെട്ടവരിൽ ഒരു സ്ത്രീയും രണ്ട് കുട്ടികളും ഉൾപ്പെടുന്നതായി റിപ്പോർട്ടുകളുണ്ട്. പ്രധാന ഹൈവേയിൽ സഞ്ചരിച്ച വാഹനങ്ങളെയാണ് ആക്രമണം ലക്ഷ്യമിട്ടത്.
ബെയ്റൂട്ടിനെ തെക്കൻ ലെബനനുമായി ബന്ധിപ്പിക്കുന്ന ജിയേ–സാഡിയത്ത് മേഖലകളിൽ മൂന്ന് വാഹനങ്ങൾ നേരിട്ട് ആക്രമിക്കപ്പെട്ടതായി ലെബനൻ ദേശീയ വാർത്താ ഏജൻസി റിപ്പോർട്ട് ചെയ്തു. ഇതിന് പുറമെ സൈദോണിനും തെക്കൻ ലെബനനിലെ മറ്റു പ്രദേശങ്ങൾക്കും സമീപവും വ്യോമാക്രമണങ്ങൾ നടന്നു. ആക്രമണത്തിൽ നിരവധി പേർക്ക് പരിക്കേറ്റതായും അധികൃതർ അറിയിച്ചു.
ആക്രമണങ്ങൾ ഹിസ്ബുള്ളയുമായി അടിസ്ഥാന സൗകര്യങ്ങളെയും പ്രവർത്തകരെയും ലക്ഷ്യമിട്ടതാണെന്ന് ഇസ്രയേൽ സൈന്യം അറിയിച്ചു. അതേസമയം, സാധാരണ വാഹനങ്ങളെയും പൗരന്മാരെയും ലക്ഷ്യമിട്ട ആക്രമണമാണിതെന്ന് ലെബനൻ ആരോപിച്ചു.
അമേരിക്കയുടെ മധ്യസ്ഥതയിൽ ഇസ്രയേലും ലെബനനും തമ്മിലുള്ള പുതിയ ചർച്ചകൾ ആരംഭിക്കാനിരിക്കെ ആക്രമണം നടന്നത് മേഖലയിൽ വീണ്ടും സംഘർഷാവസ്ഥ ശക്തമാക്കിയിരിക്കുകയാണ്. ഏപ്രിലിൽ പ്രഖ്യാപിച്ച വെടിനിർത്തൽ കരാർ നിലനിൽക്കുന്നുണ്ടെങ്കിലും ഇസ്രയേലും ഹെസ്ബൊള്ളയും തമ്മിലുള്ള ആക്രമണങ്ങളും പ്രത്യാക്രമണങ്ങളും തുടരുകയാണ്.
