തിരുവനന്തപുരം: ഫിഫ ലോകകപ്പിന്റെ പശ്ചാത്തലത്തിൽ സംസ്ഥാന പൊതുവിദ്യാഭ്യാസ വകുപ്പ് ആഭ്യന്തര വകുപ്പുമായി ചേർന്ന് സംഘടിപ്പിക്കുന്ന ‘1 മില്യൺ തൂഫാൻ ഗോൾസ്’ എന്ന കായിക പ്രചാരണ പരിപാടിക്ക് തുടക്കമായി. പേരൂർക്കട അമ്പലമുക്ക് ഗ്ലോബൽ സ്പോർട്സ് സിറ്റിയിൽ നടന്ന ചടങ്ങിൽ ആഭ്യന്തരമന്ത്രി രമേശ് ചെന്നിത്തല ക്യാമ്പയിന്റെ സംസ്ഥാനതല ഉദ്ഘാടനം നിർവ്വഹിച്ചു.
ലോകകപ്പ് ഫുട്ബോൾ ആവേശം വിദ്യാർത്ഥികളിലേക്കും പൊതുജനങ്ങളിലേക്കും എത്തിക്കുന്നതിനൊപ്പം കായിക സംസ്കാരം വളർത്തിയെടുക്കുക എന്ന ലക്ഷ്യത്തോടെയാണ് വിപുലമായ ഈ പദ്ധതി ആവിഷ്കരിച്ചിരിക്കുന്നത്. വിദ്യാഭ്യാസ, ആഭ്യന്തര വകുപ്പുകളുടെ സംയുക്ത ആഭിമുഖ്യത്തിൽ സംസ്ഥാനത്തുടനീളം ക്യാമ്പയിന്റെ ഭാഗമായി വിവിധ കായിക പരിപാടികൾ സംഘടിപ്പിക്കും.
ഉദ്ഘാടന ചടങ്ങിൽ ജനപ്രതിനിധികളും കായിക രംഗത്തെ പ്രമുഖരും ഉദ്യോഗസ്ഥരും പങ്കെടുത്തു
