ടൊറന്റോ: ലോകമെമ്പടുമുള്ള മലയാളി ഫുട്ബോൾ പ്രേമികൾ ഏറെ ആവേശത്തോടെ ഉറ്റുനോക്കിയ ഫിഫ 2026 ലോകകപ്പിലെ ഖത്തർ – സ്വിറ്റ്സർലൻഡ് മത്സരത്തിൽ കേരളപ്പിറവിയായ മലയാളി താരം പകരക്കാരുടെ ബെഞ്ചിൽ തുടർന്നു. കണ്ണൂർ വളപട്ടണം സ്വദേശി തഹസിൻ മുഹമ്മദ് ജംഷീദ് ആണ് ഖത്തർ ദേശീയ ടീമിന്റെ ലോകകപ്പ് സ്ക്വാഡിൽ ഇടംനേടി ചരിത്രം കുറിച്ച താരം, ടീമിന്റെ ആദ്യ മത്സരത്തിൽ കളത്തിലിറങ്ങാൻ അവസരം ലഭിക്കാതെ സബ്സ്റ്റിറ്റ്യൂട്ട് ബെഞ്ചിൽ തന്നെ തുടരുകയായിരുന്നു.
ലോകകപ്പ് ഫുട്ബോളിന്റെ ചരിത്രത്തിൽ ആദ്യമായാണ് കേരളത്തിൽ ജനിച്ച ഒരു കളിക്കാരൻ മറ്റൊരു രാജ്യത്തിന് വേണ്ടിയാണെങ്കിലും ലോകകപ്പിനുള്ള അന്തിമ ടീമിൽ ഇടംപിടിക്കുന്നത്. ഖത്തറിലെ ആഭ്യന്തര ലീഗുകളിലും ഏഷ്യൻ കപ്പിലും നടത്തിയ മികച്ച പ്രകടനമാണ് താരത്തിന് ലോകകപ്പ് ടീമിലേക്കുള്ള വഴിതുറന്നത്. ഖത്തർ ആദ്യ മത്സരത്തിൽ സ്വിറ്റ്സർലൻഡിനെതിരെ 1-1 എന്ന നിലയിൽ നാടകീയ സമനില പിടിച്ചപ്പോൾ, മധ്യനിരയിലും പ്രതിരോധത്തിലും തന്ത്രപരമായ മറ്റ് മാറ്റങ്ങൾക്കാണ് കോച്ച് മുൻഗണന നൽകിയത്.
ആദ്യ മത്സരത്തിൽ ഗ്രൗണ്ടിലിറങ്ങാൻ സാധിച്ചില്ലെങ്കിലും, ടൂർണമെന്റിലെ വരും മത്സരങ്ങളിൽ തഹ്സീന് അവസരം ലഭിക്കുമെന്ന വലിയ പ്രതീക്ഷയിലാണ് ഗൾഫിലെയും നാട്ടിലെയും മലയാളി ഫുട്ബോൾ ആരാധകർ. ഗ്രൂപ്പ് ബി-യിലെ മത്സരങ്ങൾ കടുപ്പമേറിയതായതിനാൽ ടീമിന്റെ അടുത്ത തന്ത്രങ്ങളിൽ ഈ മലയാളി താരം നിർണ്ണായക പങ്കുവഹിച്ചേക്കാം.
ജൂൺ 18-ന് സഹ-ആതിഥേയരായ കാനഡയ്ക്കെതിരെയാണ് ഖത്തറിന്റെ അടുത്ത മത്സരം. ഈ കളിയിലെങ്കിലും തങ്ങളുടെ പ്രിയതാരം ലോകകപ്പ് മണ്ണിൽ ബൂട്ടണിയുന്നത് കാണാൻ കാത്തിരിക്കുകയാണ് ആരാധകർ.
