മെലൻബ (ന്യൂ സൗത്ത് വെയ്ൽസ്): വൈവിധ്യമാർന്ന കലാപരിപാടികളും സാംസ്കാരിക വിരുന്നുകളുമായി ‘ലേക്ക് മെലൻബ വിന്റർ ഫെസ്റ്റ് 2026’ (Lake Melonba Winter Fest 2026) ജൂലൈ 25 ശനിയാഴ്ച നടക്കും. മെലൻബയിലെ ലേക്ക് മെലൻബയിൽ ഉച്ചയ്ക്ക് 2 മണി മുതലാണ് വിന്റർ ഫെസ്റ്റ് അരങ്ങേറുന്നത്. പ്രദേശത്തെ സാംസ്കാരിക വൈവിധ്യവും കമ്മ്യൂണിറ്റി കൂട്ടായ്മയും ആഘോഷമാക്കുന്നതിനായി വിപുലമായ ഒരുക്കങ്ങളാണ് സംഘാടകർ പൂർത്തിയാക്കിയിട്ടുള്ളത്.
മേളയുടെ ഭാഗമായി വിവിധ തത്സമയ കലാപ്രകടനങ്ങൾ, സംഗീത-വിനോദ പരിപാടികൾ, നൃത്ത മത്സരങ്ങൾ എന്നിവ അരങ്ങേറും. കൂടാതെ, രുചികരമായ ഭക്ഷണ സ്റ്റാളുകൾ, പ്രാദേശിക ഉൽപ്പന്നങ്ങൾ ലഭ്യമാകുന്ന മാർക്കറ്റ് സ്റ്റാളുകൾ, കുട്ടികൾക്കായുള്ള വിനോദ പരിപാടികൾ എന്നിവയും മേളയുടെ പ്രധാന ആകർഷണങ്ങളായിരിക്കും.
കുടുംബാംഗങ്ങൾക്കും സുഹൃത്തുക്കൾക്കുമൊപ്പം ഉത്സവ അന്തരീക്ഷം ആസ്വദിക്കാനും ഷോപ്പിംഗ് നടത്താനും ഒത്തുചേരാനുമുള്ള മികച്ചൊരു അവസരമാണിത്. മേളയിലേക്കുള്ള പ്രവേശനം പൂർണ്ണമായും സൗജന്യമാണ്. വലിപ്പച്ചെറുപ്പമില്ലാതെ ഏവർക്കും ഈ കമ്മ്യൂണിറ്റി ആഘോഷത്തിലേക്ക് സ്വാഗതമെന്ന് സംഘാടകർ അറിയിച്ചു.
