കൊച്ചി: മുല്ലപ്പെരിയാർ അണക്കെട്ടിന്റെ ജലനിരപ്പ് ഉയർത്താനുള്ള നടപടികളിലൂടെ തമിഴ്നാട് അനാവശ്യ പ്രകോപനം സൃഷ്ടിക്കുകയാണെന്ന് കോൺഗ്രസ് നേതാവും മുൻ എംപിയുമായ ഡീൻ കുര്യാക്കോസ് ആരോപിച്ചു. കേരളത്തിന്റെ സുരക്ഷയുമായി ബന്ധപ്പെട്ട അതീവഗുരുതരമായ വിഷയത്തിൽ തമിഴ്നാടിന്റെ സമീപനം ആശങ്കാജനകമാണെന്നും അദ്ദേഹം പറഞ്ഞു.
തമിഴ്നാട് ബജറ്റിൽ മുല്ലപ്പെരിയാർ അണക്കെട്ടിലെ ജലനിരപ്പ് ഉയർത്തുന്നതിനുള്ള നടപടികൾക്ക് പ്രഖ്യാപനം വന്ന സാഹചര്യത്തിലാണ് ഡീൻ കുര്യാക്കോസിന്റെ പ്രതികരണം. കേരളത്തിലെ ജനങ്ങളുടെ ജീവനും സ്വത്തിനും ഭീഷണിയാകുന്ന വിഷയത്തിൽ സംസ്ഥാന സർക്കാർ ശക്തമായ നിലപാട് സ്വീകരിക്കണമെന്നും അദ്ദേഹം ആവശ്യപ്പെട്ടു.
മുല്ലപ്പെരിയാർ വിഷയത്തിൽ കേരളത്തിന്റെ സുരക്ഷാ ആശങ്കകൾ കേന്ദ്രസർക്കാരിന്റെയും സുപ്രീം കോടതിയുടെയും ശ്രദ്ധയിൽ വീണ്ടും ശക്തമായി അവതരിപ്പിക്കണമെന്നും, പുതിയ അണക്കെട്ട് നിർമിക്കണമെന്ന കേരളത്തിന്റെ ആവശ്യം മുന്നോട്ടുകൊണ്ടുപോകണമെന്നും ഡീൻ കുര്യാക്കോസ് ആവശ്യപ്പെട്ടു.
