മെൽബൺ: മെൽബണിൽ പൂർണ്ണമായും ചിത്രീകരിക്കുന്ന പുതിയ മലയാളം ഫീച്ചർ ഫിലിമിലേക്ക് അഭിനേതാക്കളെ തേടി കാസ്റ്റിംഗ് കോൾ പ്രഖ്യാപിച്ചു. ജോസ് സണ്ണി സംവിധാനം ചെയ്യുന്ന ചിത്രത്തിന്റെ കഥ പ്രശസ്ത എഴുത്തുകാരനും മനശാസ്ത്രജ്ഞനുമായ ഡോ. ആൽബി ഏലിയാസിന്റേതാണ്. പെർഫെക്ഷനു പിന്നാലെയുള്ള അനിയന്ത്രിതമായ യാത്രയിൽ ജീവിതം വഴിമുട്ടിപ്പോകുന്ന ഒരു യുവ കലാകാരന്റെ അതിജീവനത്തിന്റെയും വീണ്ടെടുപ്പിന്റെയും ശക്തമായ കഥയാണ് ചിത്രം പറയുന്നത്.
പ്രധാന കഥാപാത്രങ്ങളിലേക്കും സഹകഥാപാത്രങ്ങളിലേക്കുമാണ് ഓഡിഷൻ നടത്തുന്നത്. മലയാളം സംസാരിക്കുന്ന 25 നും 45 നും ഇടയിൽ പ്രായമുള്ള പുരുഷന്മാർ (4 കഥാപാത്രങ്ങൾ), ആസ്ട്രേലിയൻ/ഇന്ത്യൻ വംശജരായ 20 നും 35 നും ഇടയിൽ പ്രായമുള്ള സ്ത്രീകൾ (2 കഥാപാത്രങ്ങൾ), കൂടാതെ എല്ലാ പ്രായത്തിലുമുള്ള സഹനടീനടന്മാർ എന്നിവർക്കാണ് അവസരം.
2026 സെപ്റ്റംബർ 12-ന് രാവിലെ 10:30 മുതൽ ഉച്ചകഴിഞ്ഞ് 3:30 വരെ ഫോറസ്റ്റ് ഹില്ലിലുള്ള ഹോർട്ടികൾച്ചറൽ സെന്ററിലാണ് (82 Jolimont Road, Forest Hill, VIC 3131) ഓഡിഷൻ നടക്കുക. താല്പര്യമുള്ളവർ +61 413 853 014 എന്ന നമ്പറിലോ ajsfilm209@gmail.com എന്ന ഇമെയിൽ വഴിയോ @monsantojoe എന്ന ഇൻസ്റ്റാഗ്രാം ഐഡി വഴിയോ ബന്ധപ്പെടണമെന്ന് അണിയറപ്രവർത്തകർ അറിയിച്ചു.
