സിഡ്നി: സിഡ്നിയിലെ തിരക്കേറിയ സർക്കുലർ കീയിൽ ബോട്ട് ഡോക്ക് ചെയ്യുന്നതിനിടെ ഫെറി ഇടിച്ച് നാല് പേർക്ക് പരിക്ക്. തിങ്കളാഴ്ച വൈകുന്നേരം 5.30-ഓടെയാണ് സംഭവം. അപകടത്തെ തുടർന്ന് പാരാമെഡിക് സംഘങ്ങൾ ഉടൻതന്നെ സ്ഥലത്തെത്തി പ്രാഥമിക രക്ഷാപ്രവർത്തനങ്ങൾ നടത്തി.
തലയ്ക്ക് പരിക്കേറ്റ നേപ്പാൾ സ്വദേശിയായ വിനോദസഞ്ചാരിയെ ആശുപത്രിയിലേക്ക് മാറ്റി. സംഭവസമയത്ത് ഫെറിയിലുണ്ടായിരുന്ന യാത്രക്കാരിൽ നിന്ന് പോലീസ് വിവരങ്ങൾ ശേഖരിച്ചു. അപകടത്തെത്തുടർന്ന് സർക്കുലർ കീയിൽ നിന്ന് മാൻലി, ചിസ്വിക്ക്, പരമറ്റ എന്നിവിടങ്ങളിലേക്കുള്ള ഫെറി സർവീസുകൾ നിർത്തിവെക്കുകയോ നിയന്ത്രിക്കുകയോ ചെയ്തിട്ടുണ്ട്.
ഫെറിക്കോ വാർഫിനോ കാര്യമായ കേടുപാടുകൾ സംഭവിച്ചതായി പ്രാഥമിക പരിശോധനയിൽ ദൃശ്യമായിട്ടില്ല. അപകടത്തിലേക്ക് നയിച്ച സാഹചര്യങ്ങളെക്കുറിച്ച് അധികൃതർ വിശദമായ അന്വേഷണം ആരംഭിച്ചിട്ടുണ്ട്.
